Այսօր կպատրաստենք մեր համեղ ավանդական ուտեստներից Սինի Քյուֆթա համեղ և ճոխ հյուրասիրություն քյուֆթա սիրողների համար։
Սինի Քյուֆթա Բաղադրիչներ
Արտաքին շերտի համար սինի-քյուֆթայի
_Տավարի անյուղ միս — 800 գր․
_Բլղուր մանր — 300 գր․
_Ձու — 1 հատ
_Տոմատի մածուկ — 3 թ․ գդ․
_Կարմիր քաղցր և կծու պղպեղ — 10 գր․ յուրաքանչյուրից
_Կարագ — 100 գր․
Միջուկ
_Յուղոտ տավարի միս — 1 կգ 200 գր․
_Սոխ — 2 խոշոր գլուխ
_Սև աղացած կծու պղպեղ — 10 գր․
_Քիմիոն — 10 գր․
Ինչպես պատրաստել Սինի Քյուֆթա
_Նախ մաքրենք 2 գլուխ սոխ և աղանք այն, կարելի է իհարկե մանր կտրատել
_Բայց ես միշտ ընտրում եմ խոհանոցում արագ և հեշտ տարբերակը
_Լցնենք սոխը տապակի մեջ
_Ավելացնենք վրան ձիթայուղ և դնենք միջին կրակի վրա սոխառած լինելու
_Իշլի քյուֆթա յի այդ թվում և սինի քյուֆթա յի կարևոր բաղադրիչը բլղուրն է
_Բլղուրը խոշորը չենք վերցնելու, սա կպահենք աղցանի համար
_Սինի Քյուֆթա յի վրայի շերտի համար օգտագործելու ենք մանր բլղուրը
_300 գրամ է մեզ հարկավոր մեկուկես բաժակ
_Ես Մառանիկից եմ վերցնում միշտ, որպեսզի արդեն մաքրած և որակյալ բլղուր օգտագործեմ, ինձ միայն մնում է լվանալ այն մեկ ջուր և դնել կողքի
_Ջրի մեջ թրջած չեմ թողնում, հենց այսպես չոր էլ կլցնենք
_Համեմունքներից պետք է օգտագործենք կարմիր կծու և քաղցր պղպեղ, աղացած սև պղպեղ և քիմիոն
_Կեղևի համար կօգտագործենք կարմիր կծու և քաղցր պղպեղը, իսկ միջուկի համար՝ աղացած սև պղպեղն ու քիմիոնը
_Այժմ միսը
_Մեզ պետք է գալու մոտ մինչև մեկ կիլոգրամ անյուղ միս վրայի շերտի համար
_Եվ մեկ կիլոգրամից մի քիչ ավել յուղոտ միս միջուկի համար
_Երկուսն էլ առանձին-առանձին աղանք
_Մեր սոխառածն արդեն տապակվում է խառնենք պարբերաբար
_Մի թեթև կարամելանա սոխը բավական է, ես ինքս շատ չեմ սիրում սոխը տապակել
_Սոխը մի կողմ տանք և յուղոտ աղացած միսը արդեն դատարկենք տապակի մեջ
_Թող այսպես իրար կողք տապակվեն
_Այդ ընթացքում մենք կհասցնենք նախապատրաստել կեղևի շերտը
_Անյուղ աղացած միսը պետք է համեմենք
_Կարմիր աղացած պղպեղներ պետք է լցնենք
-Տուփի մեջ 25 գրամ է, մոտ կեսը, 10 գրամ մի քիչ էլ ավել լցնենք քաղցր պղպեղը, մեկ միջին գդալ
_Այ իսկ Մառանիկի կծու կարմիր պղպեղը լավ կծու է, դա հաշվի կառնեք օգտագործելուց, եթե փոքրիկներ ունեք տանը
_3 թեյի գդալ տոմատի մածուկ լցնենք, սա պարտադիր է քանի որ ուտեստը մի փոքր թթվայնություն պետք է ունենա
_2 պտղունց աղ լցնենք, մոտ մեկ թեյի գդալ
_Մի փոքր խառնենք և ավելացնենք բլղուրը
_Ընթացքում չենք մոռանում նաև միջուկը խառնել
_Ձեռքով լավ պետք է խառնենք, հունցենք մի լավ
_1 ձու էլ կոտրենք վրան, որպեսզի կեղևը չքանդվի
_Լավ խառնեցինք դնենք մի կողմ
_Մեր միջուկը արդեն եփվել է տապակվելու ընթացքում պետք է համեմենք
_Ինչպես արդեն նշեցի համեմելու ենք սև աղացած պղպեղով և պարտադիր քիմիոնով, սա յուրահատուկ համ է տալիս կոնկրետ այս ուտեստին
_Աղ էլ լցնենք մոտ մեկ թեյի գդալ
_Խառնենք մի լավ
_Երբ գույնն արդեն լրիվ բացվի տապակվող մսի և սկսի տակից կարմրել կեղևապատվել, այդ ժամանակ կրակից կվերցնենք
_Արդեն բոլոր բաղադրիչները պատրաստ են
_Առավել ճոխ և պատվաբեր է այս ուտեստը դարձնում մեկ բուռ ընկույզը, որը հենց այսպես հնարավորինս մատներով մանրացնելով կավելացնենք միջուկի մեջ և կսկենք հավաքել
_Հարկավոր է կլոր սինու նման տապակ վերցնել ապակյա եմ ես վերցրել, որի տրամագիծը 26 սմ է
_Տապակի մեծությունը արդեն որոշեք ըստ ձեր վերցրած մսի ծավալի և հյուրերի քանակի
_Ամեն դեպքում տակը ձեթոտենք
_Կեղևի շերտը տապակի տակ մեկ սանտիմետրանոց բարձրությամբ տարածենք մատներով
_Վրան լցնենք միջուկի զանգվածը
_Տարածենք կրկին
_Եվ վերևից էլ արդեն կեղևի շերտի մնացած մասով փակենք
_Ձեռքը անընդհատ ջրի մեջ թաթախենք, որպեսզի լավ կարողանանք ծածկել միատարր դարձնել
_Հարթ մակերես ստացանք
_Այժմ կտրատենք ցանկացած նախշով
_Դանակը անընդհատ սառը ջրի մեջ թաթախելով որպեսզի հնարավորինս կտրվածքները հարթ լինեն
_Ահա այսպիսի նախշ եմ ես անում
_Ավելի մեծ սինի տապակ վերցնելու դեպքում ավելի գեղեցիկ նախշեր կստանայինք
_Կարագը պարտադիր է ինձ համար այս ուտեստի դեպքում, կարելի է և հալեցնել որպես յուղ լցնել, բայց ես ընդամենը կարագի կտորներ այսպես կշարեմ վերևից ու վերջ ընթացքում լրիվ կհալվի և կտարածվի այն
_Ջեռոցն արդեն տաք է
_Ուղարկենք ջեռոց
_Եփելու ենք մոտ 20 րոպե
_Վարդագունեց՝ վերջ կհանենք
_Կհիանանք
_Տաք-տաք հենց այսպես կկտրատենք, տեսեք համեղ, բուրումնավետ հալվող ախորժելի ուտեստ ստացանք
_Մատուցելիս կարելի է կիտրոն կամ լոլիկ կտրատած շարել վրան և մատուցել՝ առավել թթվաշ դարձնելու համար այն։
Դե ինչ, բարի ախորժակ։
