Առաջարկում ենք Տապակած վինեգրետ պատրաստել: Դասական վինեգրետը շատերն են սիրում վայելել, բայց ոչ բոլորն են պատրաստում: Նախ պետք է սպասել, մինչև ճակնդեղը եփվի, ապա ամեն ինչ մանրացնել խորանարդներով: Ի դեպ, որքան ավելի մանր եք կտրում բանջարեղենն, այնքան ավելի համեղ կլինի աղցանը:
Ամեն դեպքում, գուցե մենք այս աղցանը չենք պատրաստում այնքան հաճախ, որքան ցանկանում ենք: Սա իհարկե ճակնդեղի պատճառով է, որը չափազանց երկար է եփվում եռացող ջրի մեջ: Կախված պատրաստման եղանակից և բանջարեղենի չափից, ճակնդեղը եփվում է 30 րոպեից մինչև 3 ժամ: Այս ընթացքում ցանկացած աղցան ուտելու ցանկությունը կմարի:
Դե ինչ, կարող եք փորձել ավելի արագ պատրաստել ճակնդեղը կամ փորձել յուրօրինակ բաղադրատոմսը: Այսօր կպատմենք, թե ինչպես պատրաստել վինիգրետը տապակի մեջ: Բանջարեղենի եփվելուն երկու ժամ սպասելու փոխարեն, մենք 45 րոպե հետո պատրաստի աղցան կունենանք:
Տապակած վինեգրետ. Բաղադրիչները
_Կարտոֆիլ 150 գ
_Ճակնդեղ 150 գ
_Գազար 1 հատ
_Թթու կաղամբ 100 գ
_Սոխ 1 հատ
_Արևածաղկի ձեթ 4 ճաշի գդալ
_Քացախ 50 մլ
_Ջուր 60 մլ
_Աղ՝ ըստ ճաշակի
_Սև պղպեղ (աղացած)՝ ըստ ճաշակի
_Շաքարավազ 0.5 թեյի գդալ
Տապակած վինեգրետ. Պատրաստման եղանակը
_Մաքրել սոխը և չորացնել սրբիչով: Կտրեք սոխը կես օղակներով և լցնել մի փոքրիկ ամանի մեջ: Լցնել քացախը սոխի վրա, ավելացնել աղ և 0,5 թեյի գդալ շաքար: Լավ խառնել ամեն ինչ և մարինացնել սոխը սառնարանում 15 րոպե:
_Այդ ընթացքում հում գազար մաքրել և լվանալ հոսող ջրի տակ, չորացնել բանջարեղենը թղթե սրբիչով: Դրանից հետո գազարը կտրատել փոքր խորանարդներով:
_Մետաղյա խոզանակով լավ լվանալ երիտաասարդ կարտոֆիլը, իսկ եթե այն արդեն երիտասարդ չէ` կեղևել և կտրատել շերտերով:
_Մաքրել ճակնդեղը և լվանալ հոսող ջրի տակ: Չորացրեք և կտրեք միջին խորանարդներով:
_Թավայի մեջ բուսական յուղը տաքացնել և տապակել ճակնդեղը դրա մեջ 10 րոպե: Ժամանակ առ ժամանակ խառնել ճակնդեղը:
_Տաքացնել բուսական յուղը երկրորդ տապակի մեջ և դրա մեջ գազարը և կարտոֆիլը տապակել մինչև փափկեն: Երբ կարտոֆիլը փափկի, դրան ավելացնել թթու սոխը և թթու կաղամբը, լավ խառնել ամեն ինչ:
_Այժմ աղցանին ավելացնել ճակնդեղը, աղ և պղպեղ անել ըստ ճաշակի:
Մարինացված սոխը հատուկ բուրմունք է ավելացնում ուտեստին: Կարիք չկա սպասել, որ աղցանը սառչի: Այն ցանկացած ձևով հաճելի է: Միայն կարտոֆիլի համադրությունը թթու կաղամբի հետ` արդեն շատ համեղ է:
Եվ այսպես, մենք խորհուրդ ենք տալիս պատրաստել վինեգրետն ըստ այս անսովոր բաղադրատոմսի, եթե առաջին անգամ եք սրա մասին լսում:
Տապակած վինեգրետը պատրաստ է:
Բարի ախորժակ:
