Տնական Մոցարելան իր համով գրավում է, իսկ գեղեցիկ տեսքով աչք շոյում: Դուք կարծում եք, որ շատ դժվա՞ր է այն եփել: Շտապենք նկատել, որ ոչ: Պանիրը շատ համեղ է ստացվում: Իսկ տանը պատրաստելը շատ ավելի էժան է, քան խանութից գնելը: Ավելորդ է նշել, որ որակը կասկածի տեղիք չի տալիս::
Տնական Մոցարելա. Անհրաժեշտ բաղադրիչներ.
_կաթ — 4 լիտր (տնական)
_կիտրոնաթթու — 1,5 թեյի գդալ (լուծել 100 մլ ջրի մեջ)
_շիճուկի ֆերմենտ — 1/10 պիտակ (լուծել 50 մլ ջրի մեջ)
_ջերմաչափ
Աղաջրի համար
_շիճուկ — 1 լ
_աղ — 1 ճաշի գդալ
Տնական Մոցարելա. Պատրաստման եղանակը, քայլ առ քայլ
_Կիտրոնաթթուն լուծել սառեցված եռացրած ջրի մեջ: 50 մլ ջրի մեջ լուծել ֆերմենտի 1/10 մասը:
_Այժմ տնական կաթին ավելացնել նոսրացված կիտրոնաթթու:
_Կաթը հասցնել 32-35 աստիճանի, շատ կարևոր է, որ կաթը շատ չտաքանա, ավելացնել ֆերմենտը: Խառնել և թողնել 15 րոպե:
_Ստացված զանգվածը կտրատել ու խառնել գդալով և դնել կրակին: Տաքացնել պանրի զանգվածը 45 աստիճանի:
_Այժմ պանրի զանգվածը լցնել քամոցի վրա` շիճուկը առանձնացնելու համար:
_Առանձնացված շիճուկը տաքացնել մինչև 80 աստիճան:
_Ձեռնոցներ հագեք, քանի որ զբաղվելու եք տաք պանրով:
_Պոկել մի կտոր պանիր և այն ցանցկեն գդալով ընկղմել տաք շիճուկի մեջ, հաշվել 5 վայրկյան, այնուհետև հանել պանիրը, նորից մտցնում շիճուկի մեջ և այսպես մի քանի անգամ կրկնում:
Պանրի կտորներին կարելի է ցանկացած ձև տալ:
Եթե Ձեզ դուր է գալիս աղ դրած մոցարելլան և պատրաստվում եք այն երկար ժամանակ պահել, ապա պատրաստել աղաջուրը և լցնել մոցարելան բանկայի մեջ: Պահպանել սառնարանում:
Տնական մոցարելան պատրաստ է, այն կարելի է օգտագործել աղցանների մեջ, թխել պիցցա և պատրաստել տարբեր տեսակի նախուտեստներ:
Բարի ախորժակ:
Տեսանյութ
Պիցցա տան պայմաններում
