Տնական փախլավա. Իրական դրախտ քաղցրի սիրահարների համար:
Դուք կուզեք ուտել և ուտել, մանավանդ, որ տաք, անուշաբույր թեյով այս փախլավան ավելի համեղ է դառնում:
Տնական փախլավա. Անհրաժեշտ բաղադրիչներ
_Կարագ 350 գ
_Թթվասեր 300 գ
_Հավի ձու 4 հատ
_Ալյուր 4 բաժակ
_Սոդա 1 թեյի գդալ
_Շաքարավազ 2.5 բաժակ
_Ընկույզ
_Մեղր 2 ճաշի գդալ
Տնական փախլավա. Պատրաստման եղանակը
_ Նախ, պատրաստել խմորը, դրա համար ալյուրը խառնել կարագի հետ և տրորել մինչև մանր փշուրների աստիճան: Ավելացնել 3 դեղնուց, լցնել թթվասերը և ավելացնել սոդա: Խմորը հունցել և թողնել սառնարանում 1 ժամ:
_ Հետո, մեկ ժամ անց անց, խմորը հանել և բաժանել 8 հավասար մասերի:
_ Հիմա պետք է պատրաստել լցոնումը. ընկույզները մանրացնել ցանկացած հարմար եղանակով, լցնել դրանք առանձին ամանի մեջ, լցնել շաքարը և ավելացնել 4 սպիտակուցներ:
_ Այժմ խմորի յուրաքանչյուր մասը գրտնակել բարակ շերտով: ջեռոցի տապակի վրա դնել խմորի շերտերը, հավասարապես բաշխել միջուկը յուրաքանչյուրի վրա: Հերթագայել մինչև վերջ, շերտերը շարել՝ խմոր, միջուկ, խմոր և այլն:
_ Վերջին շերտով անպայման խմորը դնել, դանակով կտրել բոլոր շերտերը փախլավաձև, քսել հարած դեղնուցով և վերևի մասում շաղ տալ ընկույզ:
_ Տապակը դնել 40-50 րոպեով 200 աստիճան տաքացրած ջեռոցում: Եփելուց մոտ 5 րոպե առաջ հանել այն վառարանից, առատորեն լցոնել մեղրի և հալված կարագի խառնուրդով:
_Կրկին դնել ջեռոցը և պատրաստել մինչև վերջ:
_ Եփելուց հետո թողեք, որ փախլավան ամբողջովին սառչի, այդպես այն ավելի լավ կպահպանի իր նախնական ձևը:
Տնական փախլավան պատրաստ է: Ստացվում է շատ համեղ, հյութալի, քաղցր: Նման բաղադրատոմսը մեղք է չփորձելը, այն բացարձակապես բոլորին դուր կգա:
Տեսանյութ
Փախլավայի պատրաստման եղանակ