Դդմիկի պահածո. Նախուտեստը ոչ միայն փխրուն է և թարմ, այլ նաև շատ բուրավետ: Այն նաև անչափ գեղեցիկ է, կարելի է մատուցել տոնական սեղանին, որպես մսով կերակուրների յուրօրինակ նախուտեստ:
Դդմիկի պահածո. Անհրաժեշտ բաղադրիչները
_Դդմիկ 5 հատ
_Գազար 2 հատ
1 բանկայի համար
_Կանաչիներ` ըստ ճաշակի
_Սև պղպեղ 5 հատ
_Պղպեղ 3 հատ
_Սխտոր 1 պճեղ
_Ջուր 1 լ
_Աղ 1 ճաշի գդալ
_Շաքար 3 ճաշի գդալ
_Քացախ 9% 50 մլ
Դդմիկի պահածո. Պատրաստման եղանակը
_Պետք է լվանալ դդմիկը և բարակ շերտերով կտրել բանջարեղենի կեղևազերծիչով:
_Կորեական գազարի խոշոր քերիչով քերել գազարը:
_Բանկաներն ու կափարիչները հարկավոր է լավ լվանալ:
_Յուրաքանչյուր բանկայի ներքևի մասում դնել կանաչիներ, համեմունքներ, սխտոր և մի քիչ գազար:
_Այժմ դդմիկի շերտերը ոլորել գլանափաթեթների նման և դրանք դնել բանկայի մեջ մինչև կեսը:
_Վրան դնել գազար, կանաչիներ և կրկին դդմիկի գլանափաթեթներ շարել:
_Ավելացնել կանաչիները վերևում:
_Մարինադի համար ջրին խառնել աղ և շաքար, եռացնել և եփել այնքան ժամանակ, մինչև բաղադրիչները լուծվեն:
_Երբ ամեն ինչ եռում է, լցնել քացախը, խառնել:
_Լցնել մարինադը բանկաների մեջ, ծածկել կափարիչներով, կաթսայի մեջ փռել սրբիչ և բանկաները շարել վրան:
_Լցնել տաք ջուրը մինչև բանկաների ուսերը:
_Կաթսայի մեջ ջուրը եռալուց հետո 15 րոպե ստերիլիզացնել:
_Ամուր փակել կափարիչները, բանկան շրջել գլխիվայր և թողնել, որ ամբողջովին սառչեն:
Դուք կարող եք պահածոն դնել պահարանում կամ նկուղում: Ռուլետները շատ համեղ, խրթխրթան և կծու են, դրանք լավ համադրվում են սառը նախուտեստների, պանրի և այլ ուտեստների հետ:
Դդմիկի պահածոն պատրաստ է:
Բարի ախորժակ:
Տեսանյութ
Մալականի թթու