Ինչպես պահել պանիրը սառնարանում, որպեսզի այն չչորանա
Եթե մեկ շաբաթվա համար գնումներ եք կատարում և միանգամից մեծ կտոր պանիր եք գնում, կարևոր է այն թարմ պահել մինչև վերջին կտորը: Մենք պատրաստել ենք մի քանի պարզ խորհուրդներ, թե ինչպես պանիրը պահել սառնարանում, որպեսզի չչորանա:
Ինչպես պահել պանիրը. Անհրաժեշտ քայլեր
Պոլիէթիլենը հանել
Պանիրը տուն բերելիս կարևոր է այն ազատել պլաստիկ տոպրակից կամ սննդային թաղանթից: Մի քանի օրվա ընթացքում յուղոտ պանիրը կսկսի ձեռք բերել պլաստիկի համն ու հոտը: Եվ սա, իհարկե, ոչ ոքի դուր չի գա: Այնպես որ, պոլիէթիլենի հետ ուղղակի շփումը պետք է բացառել:
Պահել յուղաթղթում
Լավագույնն այն է, որ պինդ պանիրը պահեք՝ յուղաթղթով փաթաթելով: Բայց կարևոր է դա ճիշտ անել: Պանիրը ոչ շատ ամուր փաթաթեք, որպեսզի չխեղդվի, և ոչ շատ ազատ, որպեսզի չչորանա: Իդեալական կլինի պանիրը յուղաթղթի մեջ փաթաթեք և կիսաբաց թողնեք: Ավելի երկար պահելու համար լավագույնն այն է, որ ամեն անգամ պանիրը բացելուց հետո թուղթը փոխեք՝ ճիշտ քանակությունը կտրելու համար:
Փաթաթել սովորական թղթե սրբիչի մեջ
Փաթաթել պանրի կտորը, դնել տոպրակի մեջ ու թողնել բաց: Սրբիչը փոխեք ամեն անգամ, երբ այն խոնավանա:
Քսել բուսական յուղով
Մեկ այլ տարբերակ `մի փոքր բուսական յուղ քսել պանրի վրա և պահել հերմետիկ փակվող տարայի մեջ: Օգտագործումից առաջ կարող եք սրբել պանիրը թղթե սրբիչով կամ լվանալ տաք ջրով:
Պահել փափուկ պանիրները աղաջրի մեջ
Փափուկ պանիրները, ինչպիսիք են մոցարելլան կամ ռիկոտան, լավագույնս պահվում են իրենց նախնական փաթեթավորման մեջ: Մի մեծ կտոր կարելի է պահել թարմ և առանց հեղուկի, բայց փոքր կտորներն ավելի արագ են չորանում, ուստի ավելի լավ է դրանք թողնել աղաջրի մեջ:
Եթե աղաջուրը փաթեթը բացելուց հետո սկսում է վատթարանալ, ապա լավ կլինի պանիրը տեղափոխեք պլաստմասե տարայի մեջ և լցնել սովորական աղի լուծույթով (1 ճաշի գդալ աղ մեկ լիտր ջրի համար): Սա կօգնի թարմ պահել փափուկ պանիրը:
Ինչպես պահել պանիրը. Որ մասում է ճիշտ պահել
Լավագույն տեղը բանջարեղենի խցիկն է
Իդեալական պահուստային տարածքը բանջարեղենի խցիկն է: Այնտեղ հաստատուն և ոչ շատ ցածր ջերմաստիճան է: Սառեցումը կարող է մեծապես ազդել պանրի համի վրա: Գզրոցը ավելի բարձր խոնավությամբ հատված է, ուստի պանիրը չի չորանա: Եթե դարակում տեղ չկա, պանիրը դրեք ապակե ամանի մեջ, ծածկեք կափարիչով և թողեք սառնարանի դարակում:
Արդեն գիտեք, թե ինչպես պահել պանիրը, բայց երբեմն առիթներ են լինում, որ պահել հնարավոր չէ, նման դեպքերում պանիրն անմիջապես օգտագործեք: Պատրաստեք որևէ նախուտեստ, ապուր կամ պիցցա:
Տեսանյութ
Տապակած պանիր
