Լոլիկի մարինադ. Հաճելի համ ունեցող գունեղ պահածո
Լոլիկի այս մարինադի համի գաղտնիքը սալորի և ռեհանի շնորհիվ է. Այս կանաչիի և հյութալի սալորների շնորհիվ ստանում ենք անուշաբույր լոլիկ` յուրօրինակ համով, պարզապես իդեալական խորտիկ: Դուք կարող եք ուտել սալորն ուղղակի բանկայից որպես խորտիկ կամ փորձել դրանցով միս տապակել, այսպես միսը ստանում է յուրահատուկ համ:
Լոլիկի մարինադ. Անհրաժեշտ բաղադրիչները
մեկ հատ լիտրանոց բանկայի համար
- Լոլիկ
- Սալոր 6 հատ
- Ռեհան 2 ճյուղ
- Սխտոր 2 պճեղ
- Պղպեղի հատիկներ 6 հատ
- Պղպեղ 2 հատ
- Հատիկ մանանեխ 0.5 թեյի գդալ
Մարինադ պատրաստելու համար ձեզ հարկավոր է
- Ջուր 1200 մլ
- Աղ 2 ճաշի գալ
- Շաքար 140 գ
- Քացախ 9% 50 մլ
Լոլիկի մարինադ. Պատրաստման եղանակը
- Պետք է լավ լվանալ լոլիկները, սալորը և կանաչին:
- Նախապես ստերիլացնել բանկաները, եռացնել կափարիչները:
- Բանկայի ներքևի մասում դնել սխտոր, երկու տեսակի պղպեղ, մանանեխ, ռեհանի տերևներ` կանաչ կամ մանուշակագույն:
- Լոլիկները ծակել ատամի չոփիկով և սերտորեն դնել բանկայի մեջ՝ հերթագայելով սալորով և ռեհանի տերևներով:
- Լցնել եռացող ջուր և ծածկել կափարիչներով, թողնել 25 րոպե:
- Ջուրը քամել, եռացնել և նորից լցնել բանկաների մեջ, թողնել 25 րոպե:
- Քամել և խառնել մարինադի բոլոր բաղադրիչների հետ, բացառությամբ քացախի: Եռացնել, եփել 2 րոպե, լցնել քացախը և եփել 1 րոպե:
- Մարինադը լցնել բանկաների մեջ, փակել կափարիչները, շրջել և փաթաթել: Թողնել այդպես, մինչև ամբողջովին սառչի:
Լոլիկները պետք է պահել նկուղում կամ պահարանում:Դուք կարող եք մատուցել անուշաբույր և կծու լոլիկը մսային ուտեստներով, դրանք հատկապես լավ են խորովածի և ջեռոցում թխած մսի հետ:
Լոլիկի մարինադը պատրաստ է:
Բարի ախորժակ:
Տեսանյութ
Խառը թթու
