Մարինարա սոուս. Ձմռանն այն անփոխարինելի կլինի տարբեր ուտեստների հետ
Արդեն մի քանի տարի անընդմեջ ձմռան համար ես պատրաստում եմ նման յուրօրինակ սոուս: Շատ, շատ համեղ սոուս, որը իդեալական է պիցցա, մակարոնեղեն պատրաստելու համար:
Այն կարող եք նաև պարզապես մատուցել ձկան կամ մսի հետ: Պատրաստեք սոուսն այս սեզոնին, չեք փոշմանի:
Մարինարա սոուս. Անհրաժեշտ բաղադրիչները
- լոլիկ — 800 գրամ
- սոխ — 1 հատ
- սխտոր — 2 պճեղ
- տոմատի մածուկ — 2 ճաշի գդալ
- ռեհան, մաղադանոս — 4 ճաշի գդալ (արդեն կտրատած)
- չոր սուսամբար և ուրց — յուրաքանչյուրը 1 թեյի գդալ
- դափնու տերև — 2 հատ
- աղ — 2 թեյի գդալ
- շաքար — 1 թեյի գդալ
- աղացած պղպեղ — 0,5 թեյի գդալ
- գինու քացախ (հնարավոր է խնձորօղի) — 2 թեյի գդալ
- ձիթապտղի յուղ — 4 ճաշի գդալ (Վերցրեք զտած յուղ)
Մարինարա սոուս. Քայլ առ քայլ բաղադրատոմս
- Լվացեք լոլիկը, կտրեք 2 մասի և քերեք, երբ քերում եք, կեղևը մնում է ձեռքում, դեն նետեք, այն մեզ պետք չէ:
- Կլպել և մանր կտրել սոխը և սխտորը: Կաթսայի կամ խոր թավայի մեջ տաքացնել յուղը և դրա մեջ 1 րոպե տապակել սոխն ու սխտորը:
- Դրանից հետո լոլիկի զանգվածն ավելացնել սոխին և սխտորին և եփել 30-40 րոպե մարմանդ կրակի վրա:
- Այժմ կարող եք ավելացնել կտրատած կանաչիները, աղ, շաքար, քացախ, յուղ, պղպեղ, չոր ուրց, սուսամբար, դափնու տերև:
- Այժմ խառնել ամեն ինչ և եփել ևս 15 րոպե:
- Տաք սոուսը լցնել ստերիլիզացված շշերի կամ բանկաների մեջ, փակեք կափարիչները և փաթեթավորած թողեք մինչև սառչեն:
Մարինարա սոուսը պատրաստ է: Դուք կարող եք այն պահել սենյակային ջերմաստիճանում:
Լավ ախորժակ բոլորին:
Տեսանյութ
Սոուս մսային ուտեստների համար
