Ազնվամորիով կարկանդակ. Այս բաղադրատոմսով խմորեղենը նուրբ ու քնքուշ է ստացվում: Ազնամորին նուրբ բույր կտա, ու եթերային քնքնշություն:
Մարինա Ցվետաևան հայտնի է իր զարմանալի բանաստեղծություններով և հյուրասեր բնավորությամբ: Կա մի պատմություն, որ իր բանաստեղծությունները կարդալիս բանաստեղծուհին հյուրերին մատուցել է խնձորի համեղ կարկանդակ: Այդ ժամանակվանից ի վեր այս խմորի հին բաղադրատոմսը կոչվել է ցվետաևյան: Մենք չենք կարող հաստատել պատմվածքի իսկությունը, բայց հաճույքով կպատրաստենք այս գլուխգործոցը: Ցվետաևյան ազնվամորիով կարկանդակ պատրաստեք ձեր սիրելիներին հյուրասիրելու համար, սա շատ հարմար տարբերակ է:
Բաղադրատոմսը ունիվերսալ է, լավ է նրանով, որ կարող եք օգտագործել ցանկացած սառեցված և թարմ հատապտուղներ: Թեթև և բարակ խմորաշերտը, անուշահոտ ազնվամորու և թթվասերի լցոնը վերածվում են հիանալի դեսերտի, որի հանդեպ դժվար է անտարբեր մնալ:
Սա ոչ թե ուղղակի խմորեղեն է, այլ արվեստ:
Ազնվամորիով կարկանդակ. Անհրաժեշտ բաղադրիչներ
- Թթվասեր 315 գ
- Կարագ 150 գ
- Խմորի փոշի 1 թեյի գդալ
- Շաքար 270 գ
- Ցորենի ալյուր 320 գ
- Ձու 1 հատ
- Ազնվամոր 350 գ
Ազնվամորիով կարկանդակ. Պատրաստման եղանակը
- Հարել 105 գ թթվասերը 90 գ շաքարով: Հալեցնել կարագը միկրոալիքային վառարանում կամ ջրային բաղնիքում, թող սառչի, ապա ավելացնել թթվասերի վրա և խառնեք մինչև հարթ զանգված ստացվի:
- Փխրեցուցիչը և 260 գ ալյուրը մաղել: Աստիճանաբար ալյուրը ավելացնել հեղուկ զանգվածի վրա, հունցելով խմորը: Այն պետք է ստացվի մեղմ և առաձգական: Պատրաստի խմորը տեղավորել ձևամանի մեջ, այնպես, որ կազմվեն բարձր կողմեր:
- Կարկանդակի լցոնը պատրաստելու համար ձուն հարել մնացած շաքարավազի, ալյուրի և թթվասերի հետ:
- Խառնուրդը լավ խառնել հարիչով այնպես, որ գնդիկներ չմնան:
- Խմորի վրա դնել ազնվամորին և վրայից զգուշորեն լցնել թթվասերի լցոնը: Եթե պետք է օգտագործեք սառեցված հատապտուղ, ապա նախապես հալեցրեք այն, որպեսզի ավելորդ հեղուկը չվնասի խմորին:
- Նախապես տաքացնել ջեռոցը 180 աստիճանով և թխել կարկանդակը 50-60 րոպե: Կարկանդակի մեջտեղի մասը կարող է մի փոքր հեղուկանման լինել, բայց դա լավ է: Սպասեք, որ խմորեղենը լավ սառչի, և միայն դրանից հետո կտրատեք կարկանդակը:
Ցվետաևյան Ազնվամորիով կարկանդակ հաճախ պատրաստեք, այն միշտ ստացվում է շատ քնքուշ և համեղ: Եթե ցանկանում եք, որ խմորեղենը պահի իր գեղեցիկ ձևը, ապա սպասեք, որ այն լավ սառչի, նոր կտրատեք: Այդ ընթացքում կարող եք պատրաստել անուշաբույր թեյ կամ թարմացնող կոկտեյլներ:
Ազնվամորիով կարկանդակը պատրաստ է:
Բարի ախորժակ:
