Պատրաստենք նուրբ աղանդեր ծիրանի չրով և վայելենք սուրճի կամ թեյի հետ:
Չորացրած ծիրանը բավականին տարածված չոր միրգ է, որը առկա է մեծ քանակությամբ ուտեստների մեջ: Այնուամենայնիվ, շատերը չեն սիրում այս չիրը, ինչպես նաև չամիչը: Սա, հավանաբար, պայմանավորված է չոր ծիրանի և չամիչի չափազանց քաղցր համով:
Այս միրգը պահպանելու ամենառաջին տարբերակներից էր այն չորացնելը արևի տակ: Այս չիրը կարող է օգտագործվել տարբեր եղանակներով, թխվածքի կամ տարբեր ուտեստների, բազմաթիվ հրուշակեղենների համար։
Աղանդեր ծիրանի չրով. Բաղադրիչները
_ չոր ծիրան — 130 գ
_ լավաշ — 50 գ
_ ընկույզ — 100 գ
_ եգիպտացորենի օսլա — 60 գ
_ թթվասեր — 500 գ
_ աղ — մի պտղունց
_ շաքարավազ — 120 գ
Աղանդեր ծիրանի չրով. Պատրաստման եղանակը
_ Չորացրած ծիրանը փափուկ դարձնելու համար անհրաժեշտ է այն 15 րոպե թրջել եռման ջրի մեջ։ Հետո փափկած ծիրանի չիրը մանր կտրատել։
_ Ընկույզները պետք է կտրատել դանակով, բայց ոչ շատ մանր։
_ Թթվասերով ամանի մեջ լցնել շաքարավազը, աղը և եգիպտացորենի օսլան, բաղադրիչները հարիչով լավ հարել։
_ Լավաշը կտրատել 5×2 սմ փոքր ուղղանկյունների, թթվասերի զանգվածի մեջ լցնել մանրացված լավաշը, ընկույզը և չորացրած ծիրանը, խառնել։
_ Թխելու կաղապարի հատակն ու կողքերը պատել յուղաթղթով, մեջը լցնել թթվասերով խառնուրդը, հավասարաչափ բաշխել:
_ Ջեռոցը տաքացնել 180 աստիճան, թխել տորթը 45 րոպե։
Այս տորթը պատրաստվում է առանց ալյուրի ավելացման՝ նվազագույն էներգիայի սպառմամբ։
Ավելի շատ քաղցրության համար խորհուրդ ենք տալիս տորթի մակերեսը ծածկել շաքարի փոշիով։
Բարի ախորժակ:
Տեսանյութ
Չրերով ու չամիչով փլավ