Աղցան Կայսր. Արագ, թեթև նախաճաշ
Մենք պարբերաբար առաջարկում ենք պատրաստել նոր բաղադրատոմսերով ուտեստներ, զգալ այնպիսի համեր որոնք դեռ չեք փորձել: Վերցրեք, օրինակ, Կայսր աղցանը:
Որքան էլ տարօրինակ է, մեր այսօրվա նախուտեստը շատ նման է «Ցեզար» աղցանին: Հավանաբար, հավի կրծքամսի և չորահացի շնորհիվ: Բայց խոզապուխտի և յուրահատուկ սոուսի ավելացումը Կայսրն ավելի հագեցած և շքեղ է դարձնում:
Աղցան Կայսր. Անհրաժեշտ բաղադրիչները
- Խոզապուխտ 200 գ
- Հավի միս 300 գ
- Լոլիկ 200 գ
- Չորահաց 40 գ
- Համեմունք հավի համար ըստ ճաշակի
- Արևածաղկի ձեթ` ըստ ճաշակի
- Սխտոր 2 պճեղ
- Մայոնեզ 100 գ
- Կետչուպ 70 գ
- Աղացած կարմիր պղպեղ 1 պտղունց
Աղցան Կայսր. Պատրաստման եղանակը
- Հավի փափկամիսը փոքր կտորներով կտրել, ցանել համեմունքները:
- Տապակել միսը բոլոր կողմերից տաք յուղի մեջ: Կտրատել խոզապուխտը շերտերով, լցնել հավի վրա:
- Տապակել ամբողջը մի քանի րոպե՝ երբեմն խառնելով:
- Պատրաստի միսը դնել թղթե սրբիչի վրա, թող այն կլանի ճարպը:
- Կտրել լոլիկի ցողունները և պտղամիսը կտրել շերտերով:
- Սոուսի համար խառնել կետչուպը, մայոնեզը, սխտորը և մի պտղունց կարմիր պղպեղ:
- Զարդարել մատուցման ափսեն լվացած և չորացրած հազարի տերևներով:
- Դրանց վրա լցնել հովացված մսի մի մասը: Վրան լցնել սոուսը: Դրանից հետո շարել լոլիկի կտորները, և դրանց վրա լցնել սոուսը:
- Կրկնել շերտերն այնքան ժամանակ, քանի դեռ չեն սպառվել բոլոր բաղադրիչները:
- Աղցանը դնել սառնարանում մեկ ժամ, իսկ մատուցելուց առաջ դրա վրա լցնել չորահացեր: Ցանկալի է, որ վերջիններս ունենան առավելագույն չեզոք համ:
Այս աղցանի մեջ բառացիորեն 4 հիմնական բաղադրիչ կա: Այնուամենայնիվ, դրա համն այնքան պայծառ ու հարուստ է, որ խորհուրդ ենք տալիս գոնե մեկ անգամ փորձել այն:
Աղցան Կայսրը պատաստ է:
Բարի ախորժակ:
Տեսանյութ
Աղցան Ցեզար