Աղցան Շաքարոբ. Հյութեղ և համեղ աղցան ուզբեկական խոհանոցից
Երբ խոսքը վերաբերում է ուզբեկական խոհանոցին, առաջին բանը, որ պատկերացնում ենք՝ հայտնի փլավն է: Բայց քչերը գիտեն, որ այն ամբողջական չի լինի առանց ավանդական այս աղցանի: Տաշքենդում յուրաքանչյուր փլավի ափսե մատուցվում է անպայման այս բանջարեղենային նախուտեստով, որի անունը թարգմանաբար նշանակում է «քաղցր ջուր»: Դա ամառային հասած լոլիկի հյութի մեծ քանակի պատճառով է:
Պղպեղը կարող է լինել ինչպես քաղցր, այնպես էլ կծու: Ամեն ինչ կախված է ձեր ճաշակից: Մենք խորհուրդ ենք տալիս ավելի շատ պատրաստել այս խորտիկը, քանի որ այն սեղանից ավելի արագ է անհետանում, քան փլավը:
Աղցան Շաքարոբ. Անհրաժեշտ բաղադրիչները
- Լոլիկ 2.5 կգ
- Վարունգ 1 կգ
- Բուլղարական պղպեղ 700 գ
- Սոխ 800 գ
- Սխտոր 1 հատ
- Մաղադանոս 40 գ
- Սամիթ 40 գ
- Ռեհան 35-40 գ
- Աղ 2 ճաշի գդալ
- Արևածաղկի ձեթ 150 մլ
- Շաքար 5 ճաշի գդալ
- Քացախ 5 ճաշի գդալ
Աղցան Շաքարոբ. Պատրաստման եղանակը
- Պատրաստել լվացված բանջարեղենը. Լոլիկը կտրատել կտորներով, վարունգը՝ շրջանակներով կամ կիսաշրջաններով, բուլղարական պղպեղը՝ շերտերով կամ խորանարդներով, սոխը՝ կիսաօղակներով:
- Կտորները պետք է լինեն բավականաչափ մեծ, որպեսզի պատրաստելիս չփլվեն:
- Դրանք լցնել էմալապատ կամ պլաստմասե ամանի մեջ և փայտե կամ պլաստմասե գդալով խառնել կտրատած կանաչիների, աղի և շաքարի հետ:
- Մեկ ժամով թողնել մի կողմ, որպեսզի բանջարեղենը հյութը թողնի:
- Դրանից հետո քացախ ավելացնել և շարել բանկաների մեջ (չմոռանաք հյութը): Ստերիլացնել դրանք 30-40 րոպե:
- Եթե բանկաները կես լիտրանոց են, ապա 20 րոպեն բավական կլինի:
Նշված քանակի բաղադրիչներից դուք կստանաք հիանալի նախուտեստի 5 հատ լիտրանոց բանկա:
Աղցան Շաքարոբը պատրաստ է:
Բարի ախորժակ:
Տեսանյութ
Կորեական աղցան գազարով և դդմիկով
