Ամանորյա տորթ Մանդարին. Առանց թխելու և շատ արագ պատրաստվող աղանդեր

Վերջերս փորձեցի պատրաստել Ամանորյա տորթ Մանդարին՝ առանց թխելու։ Արդեն մի երկու տարի է, ինչ փորձում եմ հրաժարվել Ամանորին շատ բարդ աղանդերներ պատրաստելուց։

Նախկինում, դեռ ջեռոցը չէր հասցնում հովանալ, ես հանում էի հնդուհավը, դնում թխվածքը։ Սակայն, ինչպես տատիկս էր ասում, խելքը տարիների ընթացքում է գալիս։ Այժմ իմ ամանորյա սեղանին դուք չեք գտնի ոչ միայն բարդ խմորեղեն, այլև տաք ուտեստներ։ Եվ ահա թե ինչու։

Անձնական փորձով եմ համոզվել՝ հյուրերը խնջույքի ժամանակ չեն էլ դիպչում որոշ ուտեստների: Բայց այս աղանդերի համար հյուրերը միշտ ցանկություն ու տեղ կունենան ստամոքսում։ Չէ՞ որ նման թեթև ամանորյա տորթը կգեղեցկացնի երեկոյի ավարտը։

Ամանորյա տորթ Մանդարին. Անհրաժեշտ բաղադրիչներ

_Ջուր 470 մլ

_Նարնջի ժելե 180 գ

_Մանդարիններ 0,5 կգ

_Թթվասեր 900 գ

_Վանիլային շաքարավազ 15 գ

_Շաքարավազ 110 գ

_Ժելատին 40 գ

Ամանորյա տորթ Մանդարին. Պատրաստման եղանակը

_0,5 լիտր տարողությամբ տարայի մեջ լցնել 2 տուփ նարնջի ժելե։ Ժելեի վրա լցնել 100 մլ սառը ջուր և խառնել։ Թողնել մոտ 20 րոպե, որպեսզի ժելատինը ուռչի։

_Այնուհետև ուռած դոնդողը կարճ իմպուլսներով հալեցնել միկրոալիքային վառարանում, մինչև դառնա հեղուկ կարամելի նման։ Դոնդողի տարայի մեջ ավելացնել 300 մլ սառը ջուր, խառնել։

_Տվյալ քանակի մթերքններից պատրաստված տորթի համար ձեզ հարկավոր է առնվազն 24 սմ տրամագծով ձևաման: Դոնդողի կեսը լցնել մեջը։ Ձևամանը դնել սառնարանում, մինչև դոնդողը պնդանա։

_Այդ ընթացքում մաքրել մանդարինները, կտրատել դրանք մեջտեղից։ Կեսերը գդալով տեղավորել սառեցված նարնջի ժելեի վրա։ Հեղուկ ժելեի մյուս կեսը լցնել մանդարինների վրա։

_Ձևամանը դնել սառնարանում: Մինչ նարնջի ժելեն պնդանում է, պատրաստում ենք թթվասերով ժելեն։

_ 20% յուղայնությամբ թթվասերին ավելացնել վանիլային շաքար և շաքարավազ։

_Խառնուրդը հարել հարիչով։ Ժելատինի վրա լցնել 70 մլ սառը ջրով։ Խառնել ու թողնել ուռչի։ Մոտ 20 րոպե հետո հալեցնել միկրոալիքային վառարանում։

_Թթվասերի հետ խառնել ուռած ժելատինը։ Թթվասերով ժելեի մի մասը լցնել նարնջի դոնդողի ամանի մեջ։ Ծածկել այն սրտաձև թխվածքաբլիթներով կամ ցանկացած այլ թխվածքաբլիթով:

_Հերթագայեք մի քանի շերտ թթվասերով ժելեի և թխվածքաբլիթների։ Ձևամանը դնել սառնարանում, մինչև այն ամբողջովին պնդանա:

_Տորթը պատրաստ կլինի 2-3 ժամից։ Տորթը կաղապարից հեռացնելու համար այն մի թեթև տաքացրեք ջրային բաղնիքի վրա:

Ահա այսպիսի շքեղ Ամանորյա տորթ Մանդարին եմ պատրաստվում մատուցել տոնական սեղանին։

Ի դեպ, սա միակ աղանդերը չէ, որը պահանջում է սրտաձև թխվածքաբլիթներ, փորձեք դրանցով Նապոլեոն պատրաստել:

Բարի ախորժակ:

Տեսանյութ

Չիզքեյք առանց ջեռոցի