Այս ամանորյա տորթը տատիկս է թխել, երբ եկել էր հյուր, հիմա ես եմ թխում երեխաներիս համար։ Տատիկս այն զարդարել է ընկույզով, իսկ ես մաստիկայից տոնածառ եմ պատրաստում։ Դուք կարող եք զարդարել ըստ ձեր ճաշակի:
Ամանորյա տորթ. Անհրաժեշտ բաղադրիչները
_Ձու 2 հատ
_Թթվասեր 1 բաժակ
_Շաքարավազ 1 բաժակ
_Ալյուր 1 բաժակ
_Սոդա՝ քացախով մարած 0,5 թեյի գդալ
Կրեմի համար
_Կաթ 1,5 բաժակ
_Շաքար 1 բաժակ
_Կարագ 300 գր
_Ալյուր 2 ճաշի գդալ
Ամանորյա տորթ. Պատրաստման եղանակը
_Տապակել ընկույզը և կտրատել դանակով։ Ձուն հարել շաքարավազի հետ, ավելացնել թթվասերը, քացախով մարած սոդան, ալյուրն ու ընկույզի կեսը։
_Թխել շերտը, երկու մասի բաժանել և թողնել սառչի։
_Պատրաստել կրեմը։ 2 ճաշի գդալ ալյուրը խառնել 0,5 բաժակ սառը կաթի հետ։
_1 բաժակ կաթը եռացնել, ավելացնել մաղած ալյուրը և եփել կրեմ, թողնել սառչի, ավելացնել կարագն ու շաքարավազը, ամեն ինչ հարել։
_Կրեմը քսել տորթի վրա և ցանել մնացած ընկույզը։
Մաստիկայով պատրաստել տորթի զարդեր.
_Մաստիկան գրտնակել, օսլայով ցանել, «ձյան փաթիլներ» կտրատել տարբեր չափսերի։
_Յուրաքանչյուր ձյան փաթիլի մեջտեղում ատամի չոփիկով անցք անել և թողնել, որ չորանա և պահպանի իր ձևը։
_Ձյան փաթիլը դնել փայտիկի վրա: Այնուհետ մաստիկայից մի քանի գնդիկ անել, դնել ատամի փայտիկի վրա, ապա դնել ձյան փաթիլ։
_Հերթագայելով գնդիկը և ձյան փաթիլները՝ եղևնու ձև ստանալու համար:
_Այսպիսով, տարբեր տրամագծերի գնդիկներն ու ձյան փաթիլները շարելով, ստեղծել տոնածառ, վրան ամրացնել մաստիկայից պատրաստված կոն։
Ամանորյա ընկույզով տորթը զարդարել շաքարի փոշիով և տոնածառերով:
Բարի ախորժակ:
Տեսանյութ
Տորթ Տղամարդու իդեալ
