Ամառային կարկանդակի ամենապարզ բաղադրատոմսերից մեկը, որը կարող եք փորձել:
Արդյունքն ամեն անգամ տպավորիչ է, ախորժելի բույրով, գեղեցիկ տեսքով։
Ամառային կարկանդակ. Անհրաժեշտ բաղադրիչները
_Փափկած կարագ 150 գր
_Շաքարավազ 7 ճաշի գդալ
_Մի պտղունց աղ
_Վանիլին՝ ըստ ճաշակի
_Ձու 3 հատ
_Թթվասեր 90 գր
_Ալյուր 280 գր
_Փխրեցուցիչ 1,5 թեյի գդալ
_Հատապտուղներ՝ ըստ ճաշակի
Ամառային կարկանդակ. Պատրաստման եղանակը
_Այս խմորը ունիվերսալ է, այն հիանալի համադրվում է տարբեր միջուկների և ցանկացած հատապտուղների հետ։
_Ձվերը հարել շաքարավազի, վանիլինի և մի պտղունց աղի հետ, կարելի է արագ հարել հարիչով։
_Լցնել հալած կարագը և շարունակել հարել հարիչով։
_Ավելացնել թթվասեր և հարել։
_Ալյուրը մաղել, խառնել փխրեցուցիչի հետ և շաղախել խմորը։
_Հատապտուղները խառնել մեկ ճաշի գդալ օսլայի հետ, որպեսզի թխելու ընթացքում չտարածվեն։
_Ձևամանը ծածկել յուղաթղթով և լցնել խմորի մի մասը:
_Հատապտուղները տարածել հավասար շերտով և լցնել խմորի երկրորդ մասը, հարթեցնել։
_Թխել 180 աստիճան տաքացրած ջեռոցում, մոտ 40 — 45 րոպե:
_Կարելի է պատել սպիտակուցով և շաքարավազով պատրաստված ջնարակով, լցնելով այն թխվածքի վրա դեռ տաք ժամանակ։
Կարելի է ծածկել հալած շոկոլադով կամ թանձր թթվասերով ու շաքարի փոշիով արագ հարելով ստացված կրեմով, որը միշտ համադրվում է հատապտուղներով կարկանդակների հետ։
Բարի ախորժակ:
Տեսանյութ
Գազարով տորթ
