Ամառային կարկանդակը թխում են տապակի մեջ:
Այն ստացվում է շատ բուրավետ, շոկոլադե, ամառային մրգերով և հատապտուղներով, որոնք կարող եք վերցնել ըստ ճաշակի։
Ամառային կարկանդակ. Անհրաժեշտ բաղադրիչները
_Ձու 3 հատ
_Շաքարավազ 180 գր
_Վանիլին մի պտղունց
_Մի պտղունց աղ
_Կաթ 200 մլ
_Բուսական յուղ 100 գր
_Ալյուր 250 գր
_Կակաո 50 գր
_Փխրեցուցիչ 18 գր
_Սպիտակաձավար 1 թեյի գդալ
_Բալ, ծիրան՝ ըստ ճաշակի
Ամառային կարկանդակ. Պատրաստման եղանակը
_Մթերքները պետք է լինեն սենյակային ջերմաստիճանում:
_Ծիրանը կտրատել, բալից հանել կորիզները։
_Ձվերը հարել շաքարավազի, աղի, վանիլինի հետ, հարել հարիչով՝ մինչև փարթամանա:
_Ավելացնել կաթն ու բուսական յուղը, հարել, մինչև հարթ լինի։
_Ալյուրը մաղել և խառնել փխրեցուցիչի, կակաոյի հետ և մաս-մաս լցնել հեղուկ զանգվածի մեջ, խառնել, մինչև հարթ լինի։
_Խմորի մի մասը լցնել տապակի մեջ, վրան ցանել սպիտակաձավար, որպեսզի թխվածքը շատ թաց չստացվի, շարել բալն ու ծիրանը, լցնել խմորի երկրորդ մասը։
_Ծածկել կափարիչով և դնել թույլ կրակի վրա, թխել 20 րոպե։
_Կափարիչը հանելուց հետո վրան փռել յուղաթուղթ, ապա հարթ աման դնել և շրջել։
_Թխել ևս 15 րոպե՝ կափարիչով ծածկված:
_Դնել մատուցման ափսեի վրա և թողնել սառչի։
Կարող եք շաքարի փոշի ցանել կամ շաքարի փոշիով և թթվասերով կրեմ պատրաստել։ Այն փափուկ է, շատ շոկոլադե, թարմ ամառային։
Բարի ախորժակ:
Տեսանյութ
Սալորով բիսկվիթ. Նրբահամ և փափուկ
