Ամենահամեղ աղցանը. Անուշաբույր, ախորժելի նախուտեստ, որը նաև առողջարար է
Հաճելի առիթների, կամ ուղղակի սիրելիներին վայելք պատճառելու համար, պատրաստեք ախորժելի, համեղ, անուշաբույր այս նախուտեստը:
Բոլոր բաղադրիչները հիանալի կերպով համակցված են և ներդաշնակ միմյանց հետ: Նման անուշաբույր աղցան պատրաստելը պարզ ու հեշտ է, փորձեք, այն կհմայի բոլորին:
Ամենահամեղ աղցանը. Անհրաժեշտ բաղադրիչները
- Եփած ճակնդեղ 3 հատ
- Եփած ձու 3 հատ
- Հավի կրծքամիս 1 հատ
- Պանիր 100 գ
- Սալորաչիր 100 գ
- Մայոնեզ 4 ճաշի գդալ
- Աղ՝ ըստ ճաշակի
Ամենահամեղ աղցանը. Պատրաստման եղանակը
- Սկզբի համար, խաշել բոլոր բաղադրիչները: Հավի կրծքամիսը, ձվերը մանր կտրատել, զարդարելու համար մեկ դեղնուց դրեք մի կողմ: Այնուհետև սալորաչիրը մանր կտրատել:
- Պանիրը քերել միջին քերիչով, իսկ ճակնդեղը քերել քերիչի խոշոր կողմով: Քերած ճակնդեղի մեջ ավելացնել մայոնեզ, մանրակրկիտ խառնել և անցնել աղցանի ձևավորմանը:
- Առաջին շերտը կլինի քերած ճակնդեղի կես բաժինը, այնուհետև քերած ձվերը լցնել, վրան մայոնեզի ցանց անել, դրանից հետո լցնել հավի կրծքամսի շերտ, կրկին քսել մայոնեզի շերտ: Այժմ լցնել մանրացված սալորաչիրը, համաչափ տարածել, վրան քերած պանիր լցնել և քսել մայոնեզի շերտ:
- Մնաց մի քայլ՝ վերջին շերտով տարածել մնացած ճակնդեղը: Զարդարել վերևի մասը քերած դեղնուցով և կանաչիներով:
Ամենահամեղ աղցանը պատրաստ է: Շատ համեղ, ախորժելի ու հագեցնող աղցան է: Անպայման այն պատրատեք և թեթև ու սննդարար ուտեստ մատուցեք ձեր սիրելիներին:
Բարի ախորժակ
Տեսանյութ
Համեղ վինեգրետի պատրաստման եղանակ
