Մի անգամ թխելուց հետո, հիմա Ամենօրյա կարկանդակ հաճախ եմ պատրաստում:
Շատ թեթև է, եթերային, փետուրի պես քնքուշ։ Արագ և հեշտ բաղադրատոմս է, որով կարող է պատրաստել յուրաքանչյուրը:
Ամենօրյա կարկանդակ. Անհրաժեշտ բաղադրիչները
_Ձու 3 հատ
_Աղ 1 պտղունց
_Շաքարավազ 150 գր
_Բուսական յուղ 120 մլ
_Կաթ 150 մլ
_Նարնջի կեղևի քերուկ
_Ալյուր 230 գր
_Փխրեցուցիչ 15 գր
_Ծիրանի մուրաբա՝ վրան քսելու համար
_Կոկոսի փաթիլներ՝ ցանելու համար
Ամենօրյա կարկանդակ. Պատրաստման եղանակը
_Ձվերը հարել ամանի մեջ, թույլ աղ անել, ավելացնել շաքարավազը։
_Հարել խառնիչով, մինչև շաքարավազն ամբողջությամբ լուծվի։
_Ապա լցնել բուսայուղը, խառնել։
_Կաթն ավելացնել, նարնջի կեղևն անցկացնել խոշոր քերիչով և ավելացնել մնացած բաղադրիչներին։
_Լցնել ալյուրը մասերով՝ անընդհատ խառնելով։
_Այնուհետև ավելացնել մաղած փխրեցուցիչը և խմորը շաղախել։
_Վերցնել թխելու համար նախատեսված տապակը և պատրաստի խմորը լցնել մեջը։
_Ջեռոցը տաքացնել 180 աստիճանով և կես ժամ թխել ջեռոցում։
_Վրան ու կողքերը քսել ջեմով, զարդարել կոկոսի փաթիլներով։
Բարի ախորժակ:
Տեսանյութ
Բիսկվիթ. Ինչպես պատրաստել բիսկվիթ 4 տարբերակ
