Մեղրով, փափուկ և բուրավետ Ամենօրյա շոռակարկանդակը կարող եք պատրաստել շատ արագ և պարզ։ Այն պարզապես հալչում է բերանում։
Ամենօրյա շոռակարկանդակ. Անհրաժեշտ բաղադրիչները
_Ձու 2 հատ
_Շաքարավազ 100 գր
_Աղ մի պտղունց
_Վանիլին մի պտղունց
_Թթվասեր կամ մածուն 4 ճաշի գդալ
_Փխրեցուցիչ 1 թեյի գդալ
_Սառեցված կարագ 200 գր
_Ալյուր 500 գր
Միջուկը պատրաստելու համար
_Կաթնաշոռ 400 գր
_Ձու 2 հատ
_Շաքարավազ 100 գր
_Վանիլին ըստ ճաշակի
_Ցանկացած օսլա 1,5 ճաշի գդալ
Քսելու համար
_Դեղնուց 1 հատ
_Կաթ կամ թթվասեր 1 ճաշի գդալ
Ամենօրյա շոռակարկանդակ. Պատրաստման եղանակը
_Ձվերը հարել աղի, վանիլինի և շաքարավազի հետ, կարելի է հարել խառնիչով, պարզապես շաքարավազը լուծել և զանգվածը համասեռ դարձնել։
_Ալյուրը մաղել և խառնել փխրեցուցիչի հետ։
_Սառեցրած կարագը քերել ալյուրի մեջ՝ խոշոր քերիչով և զանգվածը վերածել փշրանքների։
_Փշրանքների մեջ լցնել թթվասերը կամ մածունը, հարած ձվերը՝ շաքարով։
_Շատ փափուկ և ճկուն խմոր հունցել։
_Դնել տոպրակի մեջ ու 40 րոպե թողնել սառնարանում։
_Միջուկի համար խառնել բոլոր մթերքները և հարել բլենդերի միջոցով մինչև հարթ լինի:
_Ձևամանը ծածկել յուղաթղթով և խմորի մի մասը դնել, հարթեցնել և բարձր կողմեր ձևավորել։
_Միջուկը լցնել, հարթեցնել և կարկանդակը ծածկել կտրատած խմորի բարակ շերտերով։
_Կարելի է վանդակավոր կամ այլ նախշեր պատրաստել, կամ խմորը դնել պատահական կարգով:
_Քսել կաթով հարած դեղնուցը:
_Թխել 180 աստիճանով մոտ 30 — 40 րոպե, բայց ըստ ջեռոցի։
_Թողնել սառչի, ցանել շաքարի փոշի և մատուցել։
Շատ համեղ և բուրավետ է ստացվում՝ վրան ախորժելի կարմրավուն կեղևով և նուրբ, կաթնաշոռային միջուկով։
Բարի ախորժակ:
Տեսանյութ
Կաթնաշոռով թխվածքաբլիթներ 2 րոպեում
