Անսովոր տորթ. Շատ համեղ և նրբահամ քաղցրավենիք

Անսովոր տորթը այնքան համեղ է, որ կցանկանաք այն պատրաստել ամեն օր։ Գերազանց դեսերտի տարբերակ ընտանեկան, հաճելի թեյի խնջույքի համար:

Արքայական համով տորթը բառացիորեն հալչում է բերանում։ Դուք պետք է անպայման փորձեք այն:

Անսովոր տորթ. Անհրաժեշտ բաղադրիչները

_Ձու 2 հատ

_Շաքարավազ 300 գր

_Թթվասեր 500 գր

_Ալյուր 840 գր

_Փխրեցուցիչ 4 թեյի գդալ

_Ծիրանի չիր 300 գր

_Սալորաչիր 300 գր

_Չամիչ 300 գր

_Շաքարավազ 1 ճաշի գդալ

Կրեմ

_Թթվասեր 4 բաժակ

_Շաքարավազ 350 գր

Անսովոր տորթ. Պատրաստման եղանակը

_Խորը ամանի մեջ կոտրել 2 ձու, ավելացնել շաքարավազը և հարել հարիչով։

_Հաջորդը, ավելացնել թթվասերը, խառնել: Այնուհետև ավելացնել մաղած ալյուրն ու փխրեցուցիչը։ Խմորը հունցել և թաղանթով ծածկած՝ մեկ ժամով դնել սառնարանը։

_Չորացրած մրգերը թրջել տաք ջրի մեջ և թողնել 10 րոպե։ Այժմ վերցնել ծիրանի չիրը, լցնել բլենդերի մեջ, ավելացնել շաքարավազը և տրորել։ Շաքարավազով տրորել նաև մյուս չրերը։

_Խմորը բաժանել 6 հավասար մասերի, յուրաքանչյուր մասը գրտնակել ուղղանկյուններով։

_Ուղղանկյունների վրա հերթով քսել չորացրած ծիրանի, սալորի և չամիչի միջուկները։

_Դրանք փաթաթել ռուլետաձև և դնել յուղաթղթով ծածկված ջեռոցի տապակի վրա:

_20-30 րոպեով դնել 180 աստիճան տաքացրած ջեռոց։

_Թխվելուց հետո թողնել, որ մի փոքր սառչի և կտրատել 3 սմ կտորներով։

_Պատրաստել կրեմ՝ թթվասերը խառնել շաքարավազի հետ և հարել հարիչով։

_Ձևամանի տակը կրեմ քսել, ռուլետների կտորները շարել կրեմի վրա, նորից կրեմի շերտ քսել և նորից դնել ռուլետների կտորները:

_Այդպես անել այնքան, մինչև ռուլետներն ու կրեմը վերջանան։ Տորթի վրա վերջում կրեմ քսել, զարդարել ըստ ճաշակի։

Բարի ախորժակ:

Տեսանյութ

Տորթ Թագավորական դուետ