Թեյի հետ մատուցելու համար պատրաստենք մուրաբայով արագ թխվածք 5 րոպեում: Բաղադրատոմսը պարզ է, խմորը պատրաստվում է մածունով, ստացվում է փարթամ ու փափուկ, երկար ժամանակ թարմ է մնում։
Մուրաբան շատ հարմար է, եթե չկա՝ կարող եք սառեցված հատապտուղները հալեցնել, շաքարավազով եփել և օգտագործել որպես հիմք խմորի համար։
Արագ թխվածք 5 րոպեում. Անհրաժեշտ բաղադրիչները
_Մուրաբա 1 բաժակ
_Սոդա 0,5 թեյի գդալ
_Ձու 2 հատ
_Շաքարավազ 0,5 բաժակ
_Մի պտղունց աղ
_Վանիլին՝ ըստ ճաշակի
_Մածուն 250 մլ
_Ալյուր 2,5 բաժակ
_Չամիչ՝ ըստ ճաշակի
Արագ թխվածք 5 րոպեում. Պատրաստման եղանակը
_Մուրաբան հարել սուզվող բլենդերով՝ աղով և ձվով։
_Լցնել շաքարավազը և ցանկության դեպքում՝ ավելացնել վանիլին։
_Մածունը պետք է մի փոքր տաքացնել, լցնել զանգվածի մեջ և շարունակել հարել բլենդերով։
_Ալյուրը մաղել և խառնել սոդայի հետ։ Լցնել զանգվածի մեջ և խառնել խմորը։
_Պետք է արագ և մանրակրկիտ խառնել, որպեսզի սոդան հավասարապես տաիածվի խմորի մեջ և ակտիվանա խմործ կաթնային միջավայրում:
_Ձևամանը ծածկել յուղաթղթով և լցնել խմորը։
_Ցանկության դեպքում խմորին կարող եք ավելացնել չամիչ և ցանկացած այլ չոր մրգեր։
_Թխել 180 աստիճանում մոտ 30 — 40 րոպե, պատրաստ լինել ստուգել փայտիկով։
_Թխվածքը հանել, թողնել սառչի ու վրան շաքարի փոշի ցանել։
Եթե դուք օգտագործել եք խնձորի մուրաբա, ապա կարելի է շաքարի փոշին խառնել դարչինի հետ և ցանել տորթի վրա։
Բարի ախորժակ:
Տեսանյութ
Դդումով բիսկվիթ
