Արագ տորթ. Հաճելի հյուրասիրություն ընթրիքի համար

Ամենաարագ տորթը, ձեր բոլոր հյուրերը կուրախանան այս համեղ տորթով։ Այս հաճելի աղանդերի բաղադրատոմսը հաստատ ամենապարզն է, որ երբևէ փորձել եք:

Քաղցրավենիքի սիրահարների համար սա պարզապես իսկական գտածո է։

Արագ տորթ. Անհրաժեշտ բաղադրիչները

_Ձու 5 հատ

_Մի պտղունց աղ

_Շաքարավազ 140 գր

_Ալյուր 5 ճաշի գդալ

_Օսլա 5 թեյի գդալ

Կրեմ

_Ձու 2 հատ

_Շաքարավազ 2 ճաշի գդալ

_Վանիլին՝ ըստ ճաշակի

_Մի պտղունց աղ

_Օսլա 3 ճաշի գդալ

_Կաթ 600 մլ

_Կարագ 100 գր

Ջնարակ

_Շոկոլադ

 

Արագ տորթ. Պատրաստման եղանակը

_Ձվերը լցնել խորը ամանի մեջ, ավելացնել աղը և շաքարը: Հարիչով հարել մինչև սպիտակ փրփուր ստացվի։

_Այնուհետև ավելացնել մաղած ալյուրն ու օսլան, խառնել զգուշությամբ։

_Խմորը լցնել յուղաթղթով ծածկված ջեռոցի տապակի մեջ և 20 րոպեով դնել նախապես 170 աստիճան տաքացրած ջեռոցը:

_Կրեմի համար կաթսայի մեջ լցնել ձուն, ավելացնել շաքարավազը, վանիլինը և օսլան։

_Ամեն ինչ լավ խառնել, ապա մեջը լցնել կաթը, եփել միջին ջերմության վրա մինչև պատրաստ լինի, ապա թողնել սառչի։

_Թխված բիսկվիթի շերտը հանել ջեռոցից, եզրերը կտրել:

_Վերցնել խորը տարա, դրա մեջ հարել կարագը, աստիճանաբար ավելացնել եփած կրեմը։

_Բիսկվիթի շերտը մեջտեղից կիսել, վրան կրեմ քսել, իսկ մյուս կեսով ծածկել։ Երկրորդ շերտի վրա նույնպես կրեմ քսել։

_Վերջում ամբողջ տորթը ծածկել հալեցրած շոկոլադով։

Քաղցրավենիքը պատրաստ է։ Անուշաբույր, հյութալի և նուրբ, շոկոլադե համով: Իսկական հյուրասիրություն ձեզ և ձեր ընտանիքի համար:

Բարի ախորժակ:

Տեսանյութ

Տորթ Պրագա