Այսօր պատրաստելու ենք արտակարգ համեղ, արագ, հյութեղ, այս ամենին գումարած նաև շատ օգտակար աղցան՝ թարմ բրոկոլիով և ծաղկակաղամբով։ Մատուցելիս հպարտություն կզգաք ձեր հյուրերի մոտ՝ քանի որ համտեսից հետո արագ կդատարկվի ամբողջ աղցանամանը։
Содержание
Աղցան Բրոկոլիով և Ծաղկակաղամբով Բաղադրիչները
- Ծաղկակաղամբ — 200 գր․
- Բրոկոլի — 200 գր․
- Սոխ — 0,5 գլուխ
- Քաղցր պղպեղ — 1-2 հատ
- Վարունգ — 1 հատ
- Եգիպտացորեն — 200 գր․
- Համեմ կամ մաղադանոս մեկ փոքրիկ փունջ
- Սոյայի սոուս
- Բալզամիկ քացախ — խիտ և նոսր
- Սև քունջութ
- Զեյթունի ձիթայուղ
Աղցանի պատրաստման հաջորդականությունը
- Այս աղցանի յուրահատկությունը կայանում է նրանում, որ բոլոր բաղադրիչները օգտագործվում են թարմ վիճակում։ Սկսում ենք ծաղկակաղամբից, որը մեր խոհանոցում սովորաբար միշտ ջերմամշակման ենք ենթարկում։ Փորձեք այն օգտագործել հում՝ վիտամիններ, համեր, հաճույք
- Նույն պատմությունը Բրոկոլիի հետ է, քանի-որ կաղամբազգիների կոշտությունը շատերին վանում է, փորձեք ինձ նման մանր կտրատել և հարցը սրանով լուծել։ Արդենկտրատված բաղադրիչները սկսում ենք հավաքել աղցանամանի մեջ
- Մեր աղցանի համար սոխը նույնպես մանր ենք կտրատում
- Քաղցր պղպեղը նույն տրամաբանությամբ
- Համեմի փոքրիկ փունջը մանր կտրատել և ավելացնել աղցանամանի մեջ
- Վարունգը կարելի կտրատելի կիսալուսնաձև կտրատել, որ ջուրը շատ դուրս չտա
- Եգիպտացորեն ենք ավելացնում
- Մի փոքր աղ ենք անում, փորձում ենք աղը չչարաշահել՝ քանի-որ դեռ սոյայի սոուս էլ ենք ավելացնելու,
- Սոյայի սոուսին հաջորդում է նոսր բալզամիկ քացաքխը, այն հաջողությամբ կարելի է փոխարինել նաև խնձորի քացախով
- Զեյթունի ձիթայուղ ենք ավելացնում և սկսում ենք բաղադրիչները խառնել իրար, ի դեպ արդեն բույրը խոստումնալից է
- Սև քունջութը որպես վերջնական զարդ շաղ ենք տալիս վրան՝ աղցանը հագեցնելով նաև կալցիումով
- Մատուցելուց առաջ եթե ունեք, ապա մի քանի ցող ավելացնում եք խիտ գաստրոնոմիկ բալզամիկո՝ նույն խաղողի քացախն է խտացված։
Մատուցում ենք և հպարտորեն սպասում այս վիատամինային համեղ փունջի բարձր գնահատականին։ Համոզված եմ թե տանեցիները և թե հյուրերը շռայլ կգտնվեն իրենց գովեստում։
Աղցան Բրոկոլիով և Ծաղկակաղամբով Տեսանյութ
Դե ինչ, բարի ախորժակ։