Առաջարկում ենք շատ ախորժելի և հագեցնող Արևելյան թխվածք, որի մեջ շատ համեղ և առողջարար միջուկ կա՝ չորացրած մրգերով և ընկույզով։
Արևելյան թխվածք. Անհրաժեշտ բաղադրիչները
_Կարագ 300 գր
_Ալյուր 4 բաժակ
_Թթվասեր 350 գր
_Դեղնուց 3 հատ
_Փխրեցուցիչ 18 գր
Միջուկը պատրաստելու համար
_Ծիրանի չիր 350 գր
_Չամիչ 100 գր
_Ընկույզ 100 գր
_Սպիտակուցներ 3 հատ
_Շաքարավազ 200 գր
Արևելյան թխվածք. Պատրաստման եղանակը
_Ալյուրը մաղել, խառնել փխրեցուցիչի հետ։
_Սառեցրած կարագը խոշոր քերիչով քերել ալյուրի մեջ, զանգվածը մանրացնելով փշրանքների վերածել։
_Ավելացնել թթվասերն ու դեղնուցները, հունցել շատ փափուկ և ճկուն խմոր։
_Խմորը բաժանել 6 — 8 մասի, ծածկել և թողնել 30 րոպե։
_Չորացրած մրգերն ու ընկույզը մանրացնել։
_Սպիտակուցները սկսել հարել մի պտղունց աղով, երբ զանգվածը բավականին խտանա՝ մաս-մաս ավելացնել շաքարավազը:
_Մոտ 8 րոպե հարել մինչև կայուն և թանձր զանգված դառնա։
_Սպիտակուցային զանգվածին խառնել ընկույզը և չրերը։
_Սեղանին ալյուր ցանել և յուրաքանչյուր գունդ գրտնակել շատ բարակ շերտով։
_Մի կողմից լցնել միջուկը և ռուլետաձև փաթաթել։
_Ջեռոցի տապակը ծածկել յուղաթղթով, շարել գլանափաթեթները և յուրաքանչյուրի վրա կտրվածք անել, որպեսզի թխելուց հետո հեշտ կտրատվի թխվածքաբլիթներ և չվնասվի փխրուն խմորը։
_Թխել 180 աստիճանով մոտ 30-35 րոպե։
_Սառեցված թխվածքաբլիթներին ցանել շաքարի փոշի։
Թխվածքաբլիթները ստացվում են խրթխրթան, խմորի և քաղցր միջուկի հավասարակշռությամբ, համը պարզապես կատարյալ է:
Տեսանյութ
3 Գաթայի կտրվածք