Արևելյան շտրուդել. Քաղցր խրթխրթան հյուրասիրություն տատիկիս բաղադրատոմսով

Եթե սիրում եք հաճելի խրթխրթան քաղցրավենիքներ, ուրեմն Արևելյան շտրուդել պատրաստեք մեր առաջարկած բաղադրատոմսով:

Սա շատ ախորժելի և հագեցնող թխվածք է, որի մեջ կարող եք օգտագործել շատ համեղ և առողջարար միջուկներ չորացրած մրգերից և ընկույզից։

Արևելյան շտրուդել. Անհրաժեշտ բաղադրիչները

_ կարագ 300 գ

_ ալյուր 4 բաժակ

_ թթվասեր 350 գ

_ դեղնուցներ 3 հատ

_ փխրեցուցիչ 18 գ

Միջուկը պատրաստելու համար անհրաժեշտ է.

_ չորացրած ծիրան 350 գ

_ չամիչ 100 գ

_ ընկույզ 100 գ

_ սպիտակուցներ 3 հատ

_ շաքարավազ 200 գ

Արևելյան շտրուդել. Պատրաստման եղանակը

_ Ալյուրը մաղել, խառնել փխրեցուցիչի հետ։

_ Սառեցրած կարագը խոշոր քերիչով քերել ալյուրի մեջ, զանգվածը մանրացնել փշրանքներով։

_ Ավելացնել թթվասերն ու դեղնուցները, հունցել շատ փափուկ և ճկուն խմոր։

_ Խմորը բաժանել մի քանի մասի՝ 6 — 8, ծածկել և թողնել 30 րոպե։

_ Չորացրած մրգերն ու ընկույզը մանրացնել։

_ Սպիտակուցները հարել մի պտղունց աղով, երբ զանգվածը բավականին թանձրանա, մաս-մաս ավելացնել շաքարավազը և մոտ 8 րոպե հարել մինչև կայուն և թանձր զանգվածը:

_ Սպիտակուցային զանգվածին խառնել ընկույզը և չրերը։

_ Սեղանին ալյուր ցանել և յուրաքանչյուր խմորի կտորը գրտնակել շատ բարակ շերտով։

_Խմորի մի կողմում դնել միջուկը, ռուլետ ոլորել։

_ Ջեռոցի տապակը ծածկել յուղաթղթով, շարել ռուլետները և յուրաքանչյուրի վրա կտրվածքներ անել, որպեսզի թխելուց հետո կտրատեն մասերի և չկոտրեն փխրուն խմորը։

_ Թխել 180 աստիճանով մոտ 30-35 րոպե։

Հովացած թխվածքաբլիթների վրա ցանել շաքարի փոշի։

Թխվածքաբլիթները ստացվում են նուրբ ու խրթխրթան, իսկ համը պարզապես կատարյալ է:

Բարի ախորժակ:

Տեսանյութ

Շերտավոր գաթա