Առաջարկում ենք պատրաստել շատ բուրավետ, թանձր, հարուստ համով բալի մուրաբա:
Այն այնքան վառ համով և գույնով է ստացվում, որ սրանից հետո այս բաղադրատոմսով միշտ մուրաբա կպատրաստեք։
Բալի մուրաբա. Անհրաժեշտ բաղադրիչները
_Առանց կորիզի բալ 2 կգ
_Շաքարավազ 1 կգ 400 գր, եթե քաղցր եք ուզում՝ ավելացրեք ևս 200 — 300 գր
Բալի մուրաբա. Պատրաստման եղանակը
_Առանց կորիզների բալի մի մասը լցնել տարայի մեջ և տրորել դրանք ընկղմվող բլենդերով։
_Եռալուց հետո եփել 5 րոպե՝ մարմանդ կրակի վրա։
_Լցնել շաքարավազը ըստ բաղադրատոմսի և եթե հատապտուղները թթու են, էլի ավելացնել:
_Խառնել զանգվածը և եփել այնքան, մինչև շաքարավազը լուծվի։
_Եթե բալի մեջ հյութը քիչ է և շաքարավազը լավ չի լուծվում, կարելի է լցնել այն հյութը, որն արտազատվել է բալի այն հատվածում, որը դեռ մնացել է։
_Եփել 5 րոպե և ավելացնել բալի երկրորդ մասը, եփել 5 րոպե՝ եռալուց հետո։
_Թողնել սառչի առանց կափարիչի, որպեսզի կոնդենսատը չլցվի մուրաբայի մեջ։
_Եթե փոքր-ինչ հովացած մուրաբայի վրա փրփուր կա, կարելի է անձեռոցիկ դնել ու հեշտությամբ հեռացնել։
_Հաջորդ առավոտյան եռացնել և եփել 5-7 րոպե։
_Թողնել մուրաբան սառչի և լցնել ստերիլիզացված բանկաների մեջ, փակել կափարիչներով և պահել նկուղում:
Մուրաբայի հարուստ սուտակե գույնը շատ գրավիչ և ախորժելի տեսք ունի: Ձեզ անպայման դուր կգա այս թանձր մուրաբան։
Բարի ախորժակ:
Տեսանյութ
Դեղձի չիր. Պատրաստման եղանակը