Բոլորն են սիրում քաղցրավենիք, բայց ոչ բոլորը կարող են իրենց թույլ տալ քաղցր բան ուտել՝ կալորիաների մեծ քանակի պատճառով։
Բայց դա չի վերաբերում բանանով և յոգուրտով կրեմ աղանդերին, քանի որ այն չի պարունակում ոչ մի գրամ շաքար և նույնիսկ մեղր: Համեղ, առողջարար, անուշաբույր աղանդերը կցանկանաք նորից ու նորից պատրաստել, քանի որ դրա համար պետք է ընդամենը 10 րոպե։
Բանանով կրեմ. Անհրաժեշտ բաղադրիչները
_Բանան — 2 հատ
_Յոգուրտ — 300 գ
_Կիտրոն — 0,5 հատ
_Դարչին — 1 պտղունց
Բանանով կրեմ. Պատրաստման եղանակը
_Կիտրոնի կեսից քերել կեղևը։ Այս աղանդերի համար ձեզ հարկավոր են շատ հասած բանաններ, քանի որ դրանք ամենաքաղցրն են և անուշաբույրը: Դրանք մաքրել և կտրատել շերտերով:
_Բանանի կտորները լցնել ամանի մեջ և վրան լցնել կիտրոնի հյութ (մոտ 1 թ/գդ): Դա պետք է արվի, որպեսզի բանանը չմգանա, իսկ պատրաստի աղանդերը հաճելի սերուցքային երանգ ունենա։
_Բանանը տրորել պատառաքաղով։ Եթե բանանը բլենդերով խյուսեք, ապա պատրաստի կրեմը միատարր կլինի, բայց ավելի համեղ է ստացվում, եթե աղանդերի մեջ կան բանանի փոքր կտորներ։
_Ավելացնել թանձր, առանց համի յոգուրտ կամ մածուն (ես օգտագործում եմ տնական մածուն) և կիտրոնի համը։
_Լավ խառնել ամանի պարունակությունը և լցնել բաժակների կամ ամանների մեջ։
_Բանանով կրեմի վրա կարելի է ցանել դարչին, կակաո կամ քերած շոկոլադ, զարդարել կիտրոնի քերուկով և անանուխով:
Եթե դեսերտը սառեցրեք սառնարանում մոտ 30 րոպե, ապա այն մի փոքր կպնդանա, կդառնա ավելի թանձր և ավելի համեղ։
Նման կրեմը կարելի է ուտել հենց այնպես, կամ կարելի է մեջը թաթախել թխվածքաբլիթներ, բլիթներ կամ նրբաբլիթներ։
Կարող եք թխվածքաբլիթների կամ ցանկացած բիսկվիթի վրա քսել բանանի կրեմ և շատ համեղ տորթ կստանաք։
Կարելի է նաև սառեցնել այս կրեմը՝ կստացվի համեղ և առողջարար պաղպաղակ, որը երեխաները հաճույքով կուտեն։
Ցանկության դեպքում այս աղանդերի մեջ կարող եք ավելացնել այլ մրգեր, օրինակ՝ մանգոյի պյուրե, դեղձ կամ ծիրան։ Այս աղանդերից յուրաքանչյուրը յուրովի կլինի յուրահատուկ, համեղ և առողջարար:
Բանանով կրեմը պատրաստ է:
Բարի ախորժակ:
