Բանանով շառլոտկա. Ավելի փափուկ, եթերային և բուրավետ, քան երբևէ

Այսպիսի քնքուշ բանանով շառլոտկան իր կայուն տեղը կունենա ձեր բաղադրատոմսերի շարքում:

Այս նրբության համն ու բույրը ոչ մեկին անտարբեր չեն թողնի:

Բանանով շառլոտկա. Անհրաժեշտ բաղադրիչները

— Ալյուր 250 գր

_Շաքարավազ 250 գր

— Ձու 4 հատ

— Բանան 3 հատ

— Փխրեցուցիչ 1 թեյի գդալ

Բանանով շառլոտկա. Պատրաստման եղանակը

_Ձվերը հարել մինչև փրփրեն, ապա ավելացնել շաքարավազը և հարել այնքան, մինչև ամբողջ զանգվածը ծավալով եռապատկվի։

_Ալյուրը խառնել փխրեցուցչի հետ և մաղել, լցնել զանգվածի մեջ և խմորը բահիկով խառնել։

_Ջեռոցը տաքացնել 180 աստիճանով։

_Ձևամանը ծածկել յուղաթղթով և լցնել խմորի կեսը, վրան բանանի շրջանակներ դնել և լցնել մնացած խմորը։

_Թխել մոտ 30 — 35 րոպե, ցանկալի չէ ընթացքում դուռը բացել։

Հուշում՝ ձվերն ավելի լավ հարելու, զանգվածը լավ փրփրելու և կայունանալու համար վերցրեք սառած ձվեր։ Նաև շատերը խորհուրդ են տալիս ալյուրը մաղել ոչ թե մեկ, այլ երկու անգամ՝ այսպիսով այն ավելի առատ կերպով է հագեցվում թթվածնով, և թխվածքաբլիթը անպայման փարթամ և փափուկ կլինի։

Բարի ախորժակ:

Տեսանյութ

Շատ շքեղ գաթա