Բանանով պաղպաղակ. Ամառվա շոգ օրերի անփոխարինելի, սառը աղանդեր:
Մենք բոլորս երազում ենք փրկվել տապից: Եվ ինչը կարող է ավելի լավ լինել, քան համեղ պաղպաղակը, հատկապես, եթե այն պատրաստված է ձեր ձեռքով: Բնական կաթնամթերքից պատրաստված բանանով պաղպաղակը կուրախացնի նույնիսկ ամենաքմահաճ քաղցրասերին:
Մեր բաղադատոսով բանանի պաղպաղակը պատրաստվում է բնական բաղադրիչներից ՝ այն դարձնելով երեխաների համար սիրված և կարևորը` անվտանգ դեսերտ: Հեշտ պատրաստվող այս պաղպաղակն ունի հարուստ համ և յուրահատուկ բույր:
Պատրաստման համար անհրաժեշտ է ընդամենը 3-4 ժամ, բաղադրիչների քանակը հաշվարկվում է 4-6 բաժնի համար: Աղանդերը կարելի է պահել սառնարանում, այնպես որ այն կարելի է պատրաստել ավելի շատ չափաբաժնով:
Բանանով պաղպաղակ. Բաղադրությունը
- Յոգուրտ 300 գ
- Խտացրած կաթ 150 գ
- Բանան 2–3 հատ
- Շաքարի փոշի 2 ճաշի գդալ
- Կաթնաշոռ 100 գ
- Ելակի մուրաբա` ըստ ցանկության
Բանանով պաղպաղակ. Պատրաստման եղանակը
- Վերցնել թանձր, յուղալի յոգուրտ և լցնել այն ամանի մեջ, որում պիտի պատրատեք պաղպաղակը:
- Ավելացնել խտացրած կաթ: Կարող եք օգտագործել սովորական կամ եփած տարբերակը, դա կախված է ձեր ճաշակից, վերցնել հասած բանան, բաժանել կտորների և լցնել ամանի մեջ: Որքան ավելի հասուն լինի բանանը, այնքան լավ:
- Ցանկության դեպքում ավելացնել սերուցքային հալած պանրիկ և մուրաբա, և օգտագործելով բլենդեր` բոլոր բաղադրիչները հարել մինչև միատարր զանգված ստացվի:
- Ստուգեք պաղպաղակի քաղցրությունը, անհրաժեշտության դեպքում ավելացնել շաքարի փոշի:
- Պատրաստված խառնուրդը լցնել նախապես պատրաստված տարայի մեջ և 2-3 ժամվա ընթացքում դնել սառնարանում:
Ամռանը՝ մեծ թվով մրգեր և հատապտուղներ կան: Օգտագործեք դրանք ձեր աղանդերի մեջ: Ստեղծեք ձեր յուրահատուկ համը և վայելեք ցանկացած պահի: Արդյունքը շատ դուր կգա ձեզ:
Բանանով պաղպաղակը պատրաստ է:
Բարի ախորժակ: