Բաց կարկանդակ Կաթնաշոռի միջուկով, որը կարող եք փոխարինել ցանկացած այլ տարբերակով։
Խմորը, որը պատրաստվում է արագ և պարզ, նվազագույն մթերքներից, միշտ ստացվում է հիանալի, հարմար է ռուլետների և կարկանդակների համար:
Բաց կարկանդակ. Անհրաժեշտ բաղադրիչները
_Տաք կաթ 250 գր
_Շաքարավազ 100 գր
_Չոր խմորիչ 7 գր
_Մի պտղունց աղ
_Ձու 1 հատ
_Հալված կարագ 60 գր
_Ալյուր 600 գր
_Կաթնաշոռ 360 գր
_Շաքարավազ 100 գր
_Թթվասեր 100 գր
_Ալյուր 2 ճաշի գդալ
_Ձու 1 հատ
Բաց կարկանդակ. Պատրաստման եղանակը
_Տաք կաթը խառնել շաքարավազի և խմորիչի հետ, թողնել 10 րոպե։
_Հեղուկ զանգվածի վրա ավելացնել աղը, ձուն, հալած կարագը և խառնել։
_Մաղած ալյուրը ավելացնել մասերով և հունցել փափուկ, ոչ կպչուն և ճկուն խմոր։
_Ծածկել և թողնել տաք տեղում 1 ժամ։
_Կաթնաշոռը, թթվասերը, շաքարավազը, ձուն, ալյուրը խառնել, կարելի է սուզվող բլենդերով հարել, մինչև համասեռ դառնա։
_Խմորը գրտնակել շրջանաձև և տեղափոխել յուղաթղթով ծածկված տապակի վրա։
_Մեջտեղը չափել կլոր ափսեով և կտրել եզրերը, դրանք դեպի ներս միահյուսելով փաթաթել կտրված շերտերը, որպեսզի կողքեր դառնան։
_Մեջտեղում լցնել կաթնաշոռի միջուկը, կողքերը հարած ձվով կամ կարագով քսել, ըստ ճաշակի քնջութ ցանել։
_Թխել 180 աստիճանով, մոտ 30-35 րոպե։
Այս գեղեցիկ, բաց կարկանդակը կարող եք պատրաստել ջեմով, թարմ սալորով ու դեղձով, կեռասով և այլ հատապտուղներով ու մրգերով՝ վրան շաքարավազ ցանելով։
Բարի ախորժակ:
Տեսանյութ
Պիրոգ ֆրանսիական Քիշ լորեն
