Այս շքեղ Բեզեով տորթը հորինվել է շատ տարիներ առաջ և իր նրբությամբ գերել է շատ շատերին:
Այսօր ուզում ենք ձեզ առջարկել այս պարզ ու քնքուշ աղանդերի բաղադրատոմսը:
Բեզեով տորթ. Անհրաժեշտ բաղադրիչներ
_Ձվի սպիտակուցներ 4 հատ
_Շաքարի փոշի 140 գր
_Եգիպտացորենի օսլա 2 թեյի գդալ
_Բյուրեղային կիտրոնաթթու մի պտղունց
_Սերուցք առնվազն 30% 550 մլ
_Ելակ 300 գր
_Բանան 1 հատ
Բեզեով տորթ. Պատրաստման եղանակը
_Ձվի սպիտակուցը հարել հարիչով մինչև փարթամ դառնալը։
_Մասերով աստիճանաբար ավելացնել մաղած շաքարի փոշին, առանց հարելու դադարեցնելու՝ 10 րոպե։
_Ավելի լավ է աշխատել միջին արագությամբ: Վերջում ավելացնել մաղած օսլան և կիտրոնաթթուն։ Այն կարելի է փոխարինել կիտրոնի հյութով` ընդամենը մի քանի կաթիլ: Ոմանք նախընտրում են քացախ օգտագործել։
_Վերոհիշյալ բոլոր թթուները կայունացնում են սպիտակուցները, իսկ կիտրոնաթթուն նաև հաճելի նուրբ թթվայնություն կհաղորդի:
_Ջեռոցի տապակը ծածկել յուղաթղթով և վրան գծել 20 սմ շրջանակ։
_Ձվի սպիտակուցի զանգվածը խոհանոցային տոպրակի միջոցով սեղմել շրջանագծի վրա։
_Եզրերը պատառաքաղով ձևավորել և մակերեսի վրա բարակ ակոսներ գծել, որպեսզի զանգվածը բալետի պարուհու հագուստ հիշեցնի։
_Ջեռոցը տաքացնել մինչև 150C, թխել տորթը 40 րոպե, անջատել ջեռոցը, բացել դուռը։
_Թողնել բաց ջեռոցում, որ ամբողջովին սառչի։
_Սերուցքը հարել փափուկ փայլուն փրփուրի նման։
_Բանանը մաքրել, կտրատել կտորներով։
_Լվանալ ելակները, հանել ցողունները, չորացնել թղթե սրբիչի վրա և կտրել քառորդ մասերով։
Ձևավորել աղանդերը և մատուցել:
Բարի ախորժակ:
Տեսանյութ
Տորթ Նեգրի ժպիտ
