Այս բաղադրատոմսը կօգնի ձեզ պատրաստել շատ նուրբ, եթերային և բուրավետ բիսկվիթ Զեբր։
Տորթը միշտ կատարյալ է ստացվում։
Բիսկվիթ Զեբր. Անհրաժեշտ բաղադրիչները
_Ձու 4 հատ
_Կակաո 2 ճաշի գդալ
_Շաքարավազ 200 գր
_Բուսական յուղ 150 մլ
_Մածուն 150 մլ
_Ալյուր 300 գր
_Փխրեցուցիչ 1,5 թեյի գդալ
Բիսկվիթ Զեբր. Պատրաստման եղանակը
_Ձվերը խառնել շաքարավազի հետ և դնել գոլորշու վրա, տաքացնել մինչև շաքարը լուծվի։
_Անընդհատ խառնել։
_Վերցնել կրակից, հարել հարիչով, մինչև փարթամ զանգված ստացվի:
_Լցնել բուսայուղը և մածունը, հարել։
_Ալյուրը խառնել փխրեցուցիչի հետ և մաս-մաս լցնել զանգվածի մեջ։
Հուշում. Ալյուրը կարող է մի փոքր ավելի կամ պակաս պետք լինել: Ավելացնել մինչև սովորական թանձրությունը։
_Կակաոն լցնել խմորի մի մասի վրա, խառնել: Մյուս կեսը թողնել այդպես։
_Թխելու համար նախատեսված տապակը ծածկել յուղաթղթով և հերթով լցնել երկու տեսակի խմորները։ Ամեն անգամ կարող եք լցնել 3-ական ճաշի գդալ յուրաքանչյուր գույնից:
_Ջեռոցը տաքացնել 180 աստիճանով և թխել մոտ 40 րոպե, բայց կողմնորոշվեք ըստ ձեր ջեռոցի։
Պատրաստելիս գոլորշու վրա տաքացած ձվերը փափկություն են հաղորդում և խմորը երբեք չի նստի։
Բարի ախորժակ:
Տեսանյութ
Զոլավոր բիսկվիթ