Փափուկ և նուրբ Բուլկիներ կաթնաշոռով թխեք մեր պարզ բաղադրատոմս: Իրականում դրանով բուլկիներ կարելի է պատրաստել ցանկացած միջուկով։
Տվյալ տարբերակում կաթնաշոռ է ծիրանի ջեմով, կարծում եմ՝ ստացվում է կատարյալ համադրություն։
Բուլկիներ կաթնաշոռով. Անհրաժեշտ բաղադրիչները
_Տաք կաթ 250 մլ
_Շաքարավազ 100 գր
_Չոր խմորիչ 11 գր
_Ձու 2 հատ
_Աղ 1 պտղունց
_Կարագ 80 գր
_Ալյուր 600 գր
Միջուկի համար
_Կաթնաշոռ 220 գր
_Ծիրանի ջեմ 100 գր
_Դեղնուց և կաթ 1 ճաշի գդալ վրան քսելու համար
Բուլկիներ կաթնաշոռով. Պատրաստման եղանակը
_Տաք կաթի մեջ խառնել շաքարավազն ու խմորիչը, ծածկել և թողնել 15 րոպե։
_Ավելացնել ձուն և աղը, խառնել։
_Մաղած ալյուրը մասերով լցնել և խմոր հունցել։
_Խմորին ավելացնել փափկած կարագը և խառնել։
_Խմորը ծածկել և թողնել տաք տեղում 1 ժամ։
_Միջուկի համար կաթնաշոռը խառնել ջեմի հետ։
_Խմորը հունցել և բաժանել հատվածների, յուրաքանչյուրը գրտնակել և մեջը դնել միջուկը։
_Բուլկիներ կազմել և դնել յուղաթղթով ծածկված ջեռոցի տապակի վրա։
_Ծածկել և թողնել 15 րոպե։
_Դեղնուցը հարել կաթի հետ և քսել բուլկիներին։
_Թխել 180 աստիճանով մոտ 25 րոպե, նայեք ձեր ջեռոցին։
Պատրաստի բուլկիները կարելի է ցանել շաքարի փոշի, իսկ եթե դրանք պատրաստում եք խնձորի ջեմով կամ թարմ խնձորի միջուկով, ապա կարող եք շաքարի փոշուն խառնել դարչին։
Բարի ախորժակ:
Տեսանյութ
Կաթնաշոռով թխվածքաբլիթներ