Բուլկիներ չամիչով և նարնջի ջնարակով. Սրանցից ոչ ոք չի հրաժարվի:
Բուլկին կարելի է համարել ամբողջ աշխարհում ամենաշատ վաճառվող հացամթերքներից մեկը: Այս խմորեղենի շատ տարբերակներ կան, ինչը դարձնում է այն աներևակայելի բազմակողմանի: Բուլկիները պատրաստվում են տարբեր տեսակի խմորներից՝ բոլորովին տարբեր միջուկներով։
Բուլկիները բավական հեշտ են պատրաստվում, հիմա արագ կսովորեցնենք:
Բուլկիներ չամիչով և նարնջի ջնարակով. Բաղադրիչները
_ ալյուր — 300 գ
_ հավի ձու — 2 հատ
_ սեղմված խմորիչ — 10 գ
_ շաքարի փոշի — 100 գ
_ կաթ — 150 մլ
_ կես նարնջի կեղև
_ կարագ — 55 գ
_ չամիչ — 100 գ
_ շաքարավազ — 50 գ
_ աղ — 1/4 թեյի գդալ
Բուլկիներ չամիչով և նարնջի ջնարակով. Պատրաստման եղանակը
_ Մի գդալ շաքարավազը խառնել խմորիչի և տաք կաթի հետ։ Խառնել հեղուկը մինչև շաքարի հատիկները լուծվեն և թողնել 10 րոպե։
_ 40 գրամ կարագը հալեցնել մինչև ջրիկ վիճակը: Մնացած շաքարավազով խառնել մեկ ձու, մի քիչ աղ անել և հարիչով հարել։ Ստացված ձվային զանգվածի մեջ լցնել խմորիչի հեղուկը, խառնել։
_ Ձվի և խմորի խառնուրդը լցնել ալյուրով տարայի մեջ, ավելացնել հալած կարագը։ Խիտ, չկպչող խմոր հունցել 10 րոպե։
_ Խմորը թողնել տաք տեղում մոտ մեկ ժամ 30 րոպե։
_ Չամիչով ամանի մեջ լցնել եռացրած ջուր, թողնել, որ այն փափկի։ Այնուհետև ջուրը թափել, չամիչը հարթ մակերեսի վրա փռել և թող չորանա։
_ Խմորը բաժանել 8 գնդիկի, թաղանթով ծածկված՝ թողնել 10 րոպե։
_ Այնուհետև գրտնակել գնդիկները 5 մմ հաստությամբ շերտերովտորթերի մեջ:
_ Խմորի մակերեսը յուղել մնացած կարագով և հավասարապես ծածկել չամիչով։
_ Չամիչով խմորը ռուլետի պես փաթաթել և ոլորել ճոպանի նման։
_Կտրել երկայնքով, հյուսել, խմորի երկու ծայրերը միացնել ու դարձնել բուլկի։
_Յուղաթղթով ծածկված տապակի վրա շարել բլիթները, ծածկել սրբիչով և թողնել 40 րոպե։
_ Երկրորդ ձուն հարել և քսել յուրաքանչյուր բուլկու վրա։
_ 190 աստիճան տաքացրած ջեռոցում թխել 20 րոպե։
_ Այդ ընթացքում պատրաստել ջնարակը. Շաքարի փոշին խառնել նարնջի կեղևի քերուկը և հյութը, խառնել բաղադրիչները։ Բուլկիներին քսել ստացված ջնարակը։
Այսպիսով ստացվում են բուրավետ և համեղ բուլկիներ։
Բարի ախորժակ:
Տեսանյութ
Սիննաբոն բուլկիներ