Բուլկիներ. Այնքան եթերային են, ինքներդ կհամոզվեք, որ դրանք ուղղակի փետուրի պես թեթև են:
Այս քնքշությունը չի հնանում, նույնիսկ մի քանի օր անց դրանք դեռ համեղ են:
Այս խմորն ինձ համար ընտրել եմ որպես լավագույն տարբերակ, ձեզ էլ եմ խորհուրդ տալիս։
Բուլկիներ. Անհրաժեշտ բաղադրիչները
_Կաթ 2 բաժակ (տաք)
_Շաքարավազ 4 ճաշի գդալ
_Աղ 1 թեյի գդալ (ոչ լիքը)
_Ձու 2 հատ
_Խմորիչ 10 գր
_Փխրեցուցիչ 1 թեյի գդալ
_Բուսական յուղ 1/4 բաժակ
_Կարագ 50 գր
_Քացախ 9% 1 ճաշի գդալ
_Ալյուր 5 +/- բաժակ
Բուլկիներին քսելու համար
_Դեղնուց + կաթ
Պատրաստման եղանակը
_Խմորիչը լցնել տաք կաթի մեջ և հարել խառնիչով։
_Ավելացնել աղ, շաքարավազ, լցնել բուսայուղը, ավելացնել ձուն, փխրեցուցիչը:
_Ավելացնել մաղած ալյուրը +/- 5 բաժակ։
_Խմորը ձեռքերով մի փոքր հունցել, ապա ավելացնել փափուկ կարագը և քացախը։
_Լավ հունցել, ծածկել թաղանթով կամ սրբիչով և թողնել 40 րոպե տաք տեղում։
_Խմորը ձեռքերով հունցել՝ մի կտոր պոկելով, ձևավորել գնդիկներ:
_Գնդիկները դնել բուսայուղ քսած ջեռոցի տապակի վրա։
_Ծածկել խոհանոցային թաղանթով և թողնել հանգստանա, 30 րոպե թողնելով սեղանի վրա։
_Վրան քսել կաթով և ձվով խառնուրդը, ցանել քնջութի սերմեր։
_Թխել 180 աստիճան ջերմաստիճանում մոտ 30 րոպե։
Ահա այսպիսի գեղեցկություն է ստացվում։
Բարի ախորժակ և լավ տրամադրություն ձեզ )
Տեսանյութ
Սիննաբոն բուլկիներ