Չէի կարծում, որ գազարով թխվածքաբլիթները այդքան համեղ կլինեն: Նուրբ և անուշաբույր, շատ գեղեցիկ և խրթխրթան հրաշքներ են, որոնք հեշտ և արագ են պատրաստվում:
Գազարով թխվածքաբլիթներ. Անհրաժեշտ բաղադրիչները
_Գազար 140 գր
_Շաքարավազ 60 գր
_Կարագ 70 գր
_Ալյուր 200 գր
_Փխրեցուցիչ 1 թեյի գդալ
_Վանիլին և աղ, դարչին՝ ըստ ճաշակի
Գազարով թխվածքաբլիթներ. Պատրաստման եղանակը
_Փափկած կարագը խառնել աղի, շաքարավազի, դարչինի, վանիլի հետ։
_Լցնել միջին քերիչով քերած գազարը, խառնել, մինչև հարթվի։
_Լցնել մաղած ալյուրի և փխրեցուցիչի մի մասը, խառնել։
_Մնացած ալյուրը լցնել մաս-մաս, զանգվածը պետք է լինի փափուկ, ճկուն, ոչ կպչուն։ Անհրաժեշտության դեպքում կարելի է ավելացնել մի երկու ճաշի գդալ ալյուր։
_Գրտնակել 5 մմ հաստությամբ շերտ, վրան շաքարավազ ցանել և գրտնակել։
_Շերտը բաժանել 16 մասի և դնել յուղաթղթով ծածկված ջեռոցի տապակի վրա։
_Թխել 180 աստիճանով տաքացված ջեռոցում, մոտ 15 րոպե, մինչև ոսկե դարչնագույնը:
Նուրբ թխվածքաբլիթներ՝ խրթխրթան կեղևով, գեղեցիկ, դեղին գույնի, շատ սիրված են երեխաների կողմից։
Բարի ախորժակ:
Տեսանյութ
Գազարով տորթ
