Առաջարկում ենք Գետնանուշով տորթի բաղադրատոմս, որը շատ տնային տնտեսուհիներ վաղուց մոռացել են:
Իսկ նրանք, ովքեր հիշում են, նման հոյակապ թխվածք են պատրաստում նվազագույն քանակությամբ մթերքներից և այդ բիսկվիթն օգտագործում են որպես տարբեր կրեմներով տորթերի հիմք։
Գետնանուշով տորթ. Անհրաժեշտ բաղադրիչները
_Ձու 4 հատ
_Շաքարավազ 5 ճաշի գդալ
_Մի պտղունց աղ
_Ալյուր 6 ճաշի գդալ
Կրեմի համար
_Շաքարավազ 7 ճաշի գդալ
_Ձու 1 հատ
_Կաթ 8 ճաշի գդալ
_Կարագ 200 գր
_Վանիլին՝ ըստ ճաշակի
Օշարակի համար
_Մեղր 2,5 ճաշի գդալ
_Ջուր 7 ճաշի գդալ
Ձևավորման համար
_Գետնանուշ 7 ճաշի գդալ
_Շաքարի փոշի՝ ցանելու համար
Գետնանուշով տորթ. Պատրաստման եղանակը
_Սպիտակուցներն առանձնացնել դեղնուցներից, շաքարավազը բաժանել 2 մասի և յուրաքանչյուրը խառնել սպիտակուցների և դեղնուցների հետ։
_Յուրաքանչյուր զանգված հարել մինչև փարթամանա, բայց պետք չէ շատ ուժեղ հարել։
_Լցնել երկու մասերն իրար վրա և զգուշորեն խառնել բահիկով, մինչև հարթվի:
_Ալյուրը մաղել և մաս-մաս լցնել զանգվածի մեջ, խառնել։
_Ձևամանը ծածկել յուղաթղթով և լցնել խմորը։
_Թխել 180 աստիճանում մոտ 30 րոպե, պատրաստ լինելը կարելի է ստուգել փայտիկով։
_Բիսկվիթը 10 րոպե թողնել կիսաբաց ջեռոցում։
_Ձևամանից հանել, թողնել սառչի։
Հուշում. Այն կարող եք փաթաթել թաղանթով և մեկ օր պահել սառնարանում, բայց պետք է մի քանի ժամ թողնել սենյակային ջերմաստիճանում։
_Կրեմի համար խառնել բոլոր բաղադրիչները, բացառությամբ կարագի և եփել թանձր կրեմ, թողնել հանգստանա:
_Կարագը թողնել սենյակային ջերմաստիճանում, որ փափկի։
_Ներծծման համար մեղրը խառնել տաք ջրի հետ։
_Բիսկվիթը կտրել 3 շերտի և թրջել օշարակով։
_Կարագը հարել և վրան մաս-մաս ավելացնել կրեմը, շարունակելով հարել։
_Շերտերին կրեմ քսել, տորթ ձևավորել։
_Վրան ու կողքերին քսել կրեմ, մանրացրած գետնանուշ և շաքարի փոշի ցանել։
_Տորթը կարելի է դնել սառնարանը, իսկ մատուցելուց 10 րոպե առաջ հանել, որպեսզի կրեմը մի փոքր հալվի։ Այդպես ավելի համեղ է ստացվում։
Բարի ախորժակ:
Տեսանյութ
Տորթ Սնիկերս
