Տորթը գրեթե Նապոլեոն է և մեր ընտանիքի համար այն շատ ավելի համեղ է, քան ավանդական աղանդերը:
Ամեն ինչ պատրաստվում է շատ ավելի արագ ու հեշտ, իսկ արդյունքն այնքան կզարմացնի, որ հաճախակի կպատրաստեք։
Գրեթե Նապոլեոն. Անհրաժեշտ բաղադրիչները
_Ալյուր 300 գր
_Կարագ 200 գր
_Սառցաջուր 120 գր
_Խնձորի քացախ 6% 1 ճաշի գդալ
_Ձու 1 հատ
_Մի պտղունց աղ
Կրեմը պատրաստելու համար անհրաժեշտ է
_Կաթ 750 մլ
_Ձու 3 հատ
_Շաքարավազ 230 գր
_Եգիպտացորենի օսլա 2 ճաշի գդալ
_Ալյուր 1 ճաշի գդալ
_Վանիլին՝ ըստ ճաշակի
_Կարագ 60 գր
_Սերուցք 500 գր
Գրեթե Նապոլեոն. Պատրաստման եղանակը
_Մաղած ալյուրի մեջ քերել կարագը խոշոր քերիչով և ձեռքերով տրորել զանգվածը։
_Սառցաջուրը խառնել ձվի և քացախի հետ, աղ անել, հարել պատառաքաղով, մինչև հարթ լինի։
_Այս խառնուրդը լցնել փշրանքների մեջ և հունցել շատ փափուկ և ճկուն խմոր։
_Խմորը բաժանել 4 մասի, յուրաքանչյուրը գնդիկ անել, ծածկել և թողնել 30 րոպե։
_Կրեմի համար խառնել ձուն, կաթը, օսլան, ալյուրը, վանիլինը և շաքարավազը։
_Կրեմը եփել թույլ կրակի վրա մինչև ցանկալի խտությունը, անընդհատ խառնելով, թողնել սառչի։
_Սառեցված սերուցքը հարել հարիչով մինչև փարթամանա, այնուհետև մաս-մաս ավելացնել կրեմը և հարել, մինչև հարթ և եթերային լինի:
_Յուրաքանչյուր գնդիկ գրտնակել ուղղանկյուն շերտով, տեղափոխել ջեռոցի տապակի մեջ և թխել 180 աստիճանում մոտ 5-7 րոպե։
_Շերտերի եզրերը կտրատել ու փշրանքների վերածել։
_Տորթ կազմել՝ շերտերին կրեմ քսելով, կողքերը նույնպես ծածկել կրեմով, վերին շերտին նույնպես կրեմ քսել, ամբողջը ծածկել փշրանքներով։
_Տորթը 4-6 ժամով դնել սառնարանը։
Շատ նուրբ, լավ ներծծված, փափուկ աղանդեր, որին կարելի է տարբեր հավելումներ ավելացնել: Օրինակ, շերտի վրա քսված կրեմի վրա կարող եք դնել բալ կամ այլ հատապտուղներ, ընկույզներ, տորթի վրա լցնել շոկոլադ և այլն։
Բարի ախորժակ:
Տեսանյութ
Նապոլեոն տորթ
