Առանց ալյուրի Դդումով թխվածքաբլիթներ. Առողջարար նախաճաշ պայծառ օր սկսելու համար

Դդումով թխվածքաբլիթներ պատրաստելու համար ձու, ցորենի ալյուր կամ կարագ պետք չէ: Դրա փոխարեն պետք է առողջարար վարսակի ալյուր, գունեղ դդում, սննդարար ընկույզներ և չոր մրգեր:

Մի անհանգստացեք. առավոտյան ժամանակ կունենաք այս հմայքը պատրաստելու համար։ Խմորը հունցելու վրա 10 րոպե կծախսեք, ևս 20 րոպեում ջեռոցը կթխի։

Վարսակի ալյուրի նախաճաշի բաղադրատոմսը ցույց է տալիս, թե ինչպես պատրաստել թխվածքաբլիթներ: Բայց խմորից կարող եք նաև ջեռեփուկ թխել։ Այս դեպքում յուղաթուղթը խոնավացրեք ջրով և ծածկեք դրանով փոքրիկ ձևամանը։ Խմորը տարածել վրան և թխել 180°C ջերմաստիճանում մոտ 40 րոպե։ Յուղաթուղթը ձևամանի մեջ դնելը հեշտացնելու համար ճմրթեք այն։

Դդումով թխվածքաբլիթներ. Բաղադրիչներ

_ Վարսակի փաթիլներ 2 բաժակ

_ Ջուր 1,5 բաժակ

_ Դդում 460 գ

_ Շաքարավազ 2 ճաշի գդալ

_ Փխրեցուցիչ 1 թեյի գդալ

_ Վանիլի էքստրակտ 1 թեյի գդալ

_ Դարչին 1 թեյի գդալ

_ Արևածաղկի ձեթ 3 ճաշի գդալ

_ Չամիչ 1 ճաշի գդալ

_ Չորացրած մրգեր 1 ճաշի գդալ

_ Ընկույզ 2 ճաշի գդալ

_ Չորացրած ծիրան 5 հատ

Դդումով թխվածքաբլիթներ. Պատրաստման եղանակը

_Վարսակի փաթիլների վրա լցնել ջուր, խառնել և թողնել 10 րոպե։

_ Ուռած վարսակի փաթիլներին ավելացնել շաքարավազը, փխրեցուցիչը, վանիլի էքստրակտը և դարչինը, խառնել։

_ Խմորի մեջ լցնել արևածաղկի ձեթ, ավելացնել քերած դդում։ Բաղադրիչները լավ խառնել։

_ Վարսակի ալյուրի մեջ խառնել չորացրած մրգերը, չամիչը, կտրատած չորացրած ծիրանը և մանրացրած ընկույզը:

_ Յուղաթուղթ փռել ջեռոցի տապակի վրա և օգտագործելով ճաշի գդալ, թխվածքաբլիթները դնել վրան՝ մի փոքր հարթեցնելով:

_ Թխել 20 րոպե նախապես 180°C տաքացրած ջեռոցում։

Այս առողջ նախաճաշի թխվածքաբլիթներին կարող եք ավելացնել ոչ միայն նշված բաղադրիչները: Վերցրեք ձեր ձեռքի տակ եղած ցանկացած ընկույզ՝ գետնանուշ, պնդուկ, հնդկական ընկույզ, սոճու ընկույզ, նուշ: Կարելի է ավելացնել նաև դդմի կամ արևածաղկի սերմեր։ Փորձեք և վայելեք:

Բարի ախորժակ:

Տեսանյութ

Կոնֆետներ տնային պայմաններում