Դեղձով տորթ. Հեքիաթային, նուրբ և գեղեցիկ քաղցրություն
Դեղձով աղանդերը ոչ միայն համեղ և շատ անուշաբույր քաղցրավենիք է, սա նաև գեղեցիկ ուտեստ է, որը կզարդարի ցանկացած թեյախմություն:
Ամեն ինչ պատրաստվում է բավականին պարզ, իսկ արդյունքն անպայման կուրախացնի և կզարմացնի ձեզ:
Դեղձով տորթ. Անհրաժեշտ բաղադրիչները
_Շաքար 150 գ
_Կարագ 1 ճաշի գդալ
_Դեղձ 3 հատ
_Ձու 3 հատ
_Շաքար 100 գ
_Վանիլին`ըստ ճաշակին
_Մի պտղունց աղ
_Բուսական յուղ 120 գ
_Յոգուրտ 125 մլ
_Ալյուր 250 գ
_Փխրեցուցիչ 16 գ
_Եռացած ջուր
Դեղձով տորթ. Պատրաստման եղանակը
_Լցնել շաքարավազը տապակի մեջ և տաքացնել այն՝ մինչև ոսկե դարչնագույն և թանձր դառնա:
_Ավելացնել կարագը և խառնել մինչև հարթվի:
_Կարամելը լցնել թխման ամանի մեջ և հավասարաչափ տարածել:
_Վրան շարել դեղձի կտորները:
Հուշում. Վերցրեք հասած, բայց պինդ դեղձ, որպեսզի տորթը թխելուց հետո գեղեցիկ տեսք ունենա, շերտերն ամբողջությամբ կարամելի մեջ լինեն:
_Հարել ձվերը շաքարով և մի պտղունց աղով, վանիլինով:
_Լցնել բուսական յուղը և հարել մինչև հարթվի: Ավելացնել թանձր մածուն կամ թթվասեր և խառնել զանգվածին:
_Լցնել մաղած ալյուրը փխրեցուցիչով և խառնել, որ ամբողջովին միատարր խմոր ստացվի:
_Խմորը լցնել դեղձի վրա, հավասարեցնել:
_Պետք է թխել 180 աստիճանով մոտ 30 րոպե՝ ձևամանը դնելով ջեռոցի տապակի մեջ և եռացած ջուր լցնելով դրա մեջ: Սա անհրաժեշտ է, որպեսզի կարամելը չայրվի, այլ վերածվի փափուկ և մածուցիկ զանգվածի:
Կարկանդակն այլ բան չի պահանջում, այն արդեն իսկ շատ գեղեցիկ է, համեղ, և անուշաբույր՝ իսկական նրբություն:
Բարի ախորժակ:
Տեսանյութ
Թափանցիկ լիմոնով տորթ