Եթերային կուլիչ. Զատիկի փափուկ և անուշաբույր քաղցրավենիք

Զատիկի եթերային կուլիչը կուրախացնի համեղ խմորեղենի բոլոր սիրահարներին՝ անկախ դավանանքից։ Այն զարմանալիորեն քնքուշ է, անսովոր բուրավետ և շատ ախորժելի: Բայց, իհարկե, Զատկի մյուս բոլոր ուտելիքների հետ մեկտեղ տոնական սեղանին այսպիսի նազելի թխվածք դնելն ու սիրելիների հետ համի այս շռայլությունը կիսելն առանձին հաճույք է։

Անպայման փորձեք մեր բաղադրատոմսը, մանավանդ որ, ի տարբերություն շատերի, այս մեկը բավականին արագ է: Եթերային թխվածքն անպայման զարդարեք գլազուրով, բազմագույն կոնֆետներով, ընկույզով:

Եթերային կուլիչ. Անհրաժեշտ բաղադրիչները

_Ալյուր 500 գր

_Աղ 6 գր

_Թարմ խմորիչ 30 գր

_Դեղնուցներ 2 հատ

_Շաքարավազ 175 գր

_Կարագ 175 գ + մի քիչ ավել՝ ձևաթղթերի պատրաստման համար

_Վանիլին 1 գր

_Ջուր 120 մլ

_Չամիչ 150 գր

_Չրեր 100 գր

Եթերային կուլիչ. Պատրաստման եղանակը

_Մաղել ալյուրն ու աղը տարայի մեջ, ավելացնել մանրացված խմորիչը, դեղնուցները, 20-ական գր շաքարավազը և փափուկ կարագը, վանիլինը։

_Ջուրը տաքացնել մինչև 30°C:

_Լցնել այն ալյուրի զանգվածի մեջ և խմորի կեռիկներով խառնել 1-ին արագությամբ, մինչև զանգվածը միատարր դառնա։

_Այնուհետև հարիչը դնել երկրորդ արագության վրա և ավելացնել մնացած կարագն ու շաքարավազը։

_Խմոր հունցել 8-12 րոպե։ Այն պետք է հեշտությամբ պոկվի ամանի կողքերից։

_Ավելացնել չամիչ և չրեր, թույլ արագությամբ հարել հարիչով։

_Կուլիչի խմորը տեղափոխել ամանի մեջ, ծածկել սրբիչով և թողնել սենյակային ջերմաստիճանում 1 ժամ։

_Կուլիչների փոքրիկ կաղապարները նախապատրաստել։ Դրանք ծածկել յուղաթղթով և կարագ քսել:

_Կարելի է նաև ալյուր կամ սպիտակաձավար ցանել (թափ տալ ավելցուկը)։

_Բարձրացած խմորը բաժանել մասերի և գնդիկներ անել։

_Տեղափոխել դրանք պատրաստված ձևամանների մեջ, ծածկել սրբիչով և թողնել տաք տեղում 2 ժամ։

_Ջեռոցը տաքացնել 160°C, կաղապարները զգուշորեն տեղափոխել ջեռոցի տապակի վրա։

_Թխել 30-35 րոպե, թողնել մի փոքր սառչի, ապա տեղափոխել մետաղական ցանցի վրա։

Թողնել մինչև ամբողջովին սառչի։

Բարի ախորժակ:

Տեսանյութ

Զատիկի կուլիչ Կրաֆին