Ելակի մուսով տորթ. Ամառային երեկոյի հաճելի համեղություն
Իրեն հարգող յուրաքանչյուր հրուշակագործ գիտի ինչպես պետք է պատրաստել մուս: Սովորաբար դրանք բավական թանկ են արժենում: Բայց, ուշադիր նայելով բաղադրակազմին, կհասկանաք, որ դրանց մեջ արտառոց ոչինչ չկա: Նույնիսկ սկսնակը կարող է հեշտությամբ պատրաստել ելակի մուսով տորթ, որի բաղադրատոմսը մենք այսօր կկիսենք ձեզ հետ:
Այս աղանդերի համար ձեզ հարկավոր կլինի առնվազն կես կիլոգրամ հատապտուղ: Սա պարզ ու հաճելի հատապտղային աղանդեր է, որը կարող եք պատրաստել ամբողջ ամառ: Վերցրեք ցանկացած հատապտուղ, ելակ, ազնվամորի և կեռաս: Տվյալ դեպքում մենք ընտրեցինք ելակը:
Ելակի մուսով տորթ. Անհրաժեշտ բաղադրիչները
_Ձու 1 հատ
_Ցորենի ալյուր 60 գ
_Օսլա 20 գ
_Փխրեցուցիչ 0,5 ճաշի գդալ
_Աղ՝ ըստ ճաշակի
_Շաքար 120 գ
_Կարագ 80 գ
_Ելակ 600 գ
_Սերուցքային պանիր 300 գ
_Սերուցք 400 մլ
_Շաքարի փոշի 70 գ
_Վանիլային շաքար 8 գ
_Ժելատին 30 գ
_Ջուր 130 մլ
Ելակի մուսով տորթ. Պատրաստման եղանակը
_Սկսել թխվածքաշերտ պատրաստելուց: Փափկեցված կարագի մեջ հարել ձուն, մի պտղունց աղ և 50 գ շաքար:
_Այնուհետև խառնել ալյուրը փխրեցուցիչի հետ և պատրաստել խմորը:
_Բիսկվիթի խմորը լցնել յուղած տապակի մեջ և թխել 180 աստիճանով՝ 20 րոպե:
_Ելակը տրորել շաքարով (70 գ) և տաքացնել, երբեմն խառնելով, մինչև շաքարն ամբողջովին լուծվի:
_Զանգվածը պետք է լինի միատարր, դրա համար կարելի է օգտագործել ձեռքի բլենդեր:
_Լցնել 10 գ ժելատինը ջրի մեջ և թողնել ուռչի 10 րոպե:
_Այս ընթացքում սերուցքային պանիրը խառնել 70 գ շաքարավազի հետ և հարել՝ միաժամանակ կամաց ավելացնելով սերուցքը:
_Սերուցքային զանգվածին ավելացնել ժելատինը:
_Թխված շերտը դնել ձևամանի մեջ և վրան լցնել 400 գ սերուցքային զանգված:
_Սառեցնել 20 րոպե: Այս ընթացքում լուծել մնացած ժելատինը (10 գ) ջրում և ավելացնել այն ելակի խառնուրդի կեսին:
_Սառեցնել 40 րոպե: Մնացած ելակն ու սերուցքը խառնել և ավելացնել ջրում լուծված ևս 10 գ ժելատին:
_Լրացնել ելակի կրեմով վերջին շերտը: Աղանդերը սառեցնել ևս մի քանի ժամ:
Սառը մուսով տորթը կզարդարի տոնական սեղանը: Այն նաև հիանալի երեկոյան հաճույք է ամբողջ ընտանիքի համար:
Բարի ախորժակ:
Տեսանյութ
Տորթ առանց ջեռոցի՝ Չիզքեյք
