Ելակի ցուկատ. Անհավանական համեղ, նուրբ ու քաղցր պտուղներ, որոնք հաճույքի գագաթնակետը կլինեն քաղցրասերների համար:
Այս դեպքում արդեն կոնֆետի կամ այլ քաղցրավենիքի կարիք չեք զգա:
Այսօր մենք պատրաստելու ենք համեղ և շատ նուրբ ելակի ցուկատ: Սա շատ համեղ է ստացվում, այնպես որ կարելի է պատրաստել ու ձմռանը զարմացնել հյուրերին:
Եթե դեռ չեք փորձել սա, բայց համացանցում հանդիպել եք նմանատիպ բաղադրատոմսերի, ապա նշենք, որ դրանք չեն կարող համեմատվել այս տարբերակի հետ:
Содержание
Ելակի ցուկատ. Բաղադրիչները
- 1 կգ ելակ
- 800-900 գ շաքար
- կիտրոնաթթվի մի պտղունց
Ելակի ցուկատ. Քայլ առ քայլ բաղադրատոմս
- Վերցնել միջին չափի ելակներ, և ընտրել միայն ամուր հատապտուղները: Լվանալ հոսող ջրի տակ և միայն դրանից հետո հանել պոչիկները:
- Վերցնել մի մեծ աման, որպեսզի դրա մեջ այնուհետև հարմար լինի պատրաստել ելակի ցուկատները:
- Լցնել շաքարավազը մի մեծ ամանի մեջ և վրան ջուր լցնել:
- Թող օշարակը եփվի, և շաքարը ամբողջությամբ լուծվի: Այնուհետև ավելացնել կիտրոնաթթու և լցնել ելակները:
- Ընկղմեք բոլոր հատապտուղները, որպեսզի բոլոր ելակներն օշարակի մեջ լինեն:
- Մի քանի րոպե եփել և հեռացնել կրակից, մինչև օշարակն ամբողջությամբ սառչի:
- Հանել բոլոր հատապտուղները և օշարակը կրկին հասցնել եռման:
- Նորից լցնել եռացրած օշարակի մեջ հատապտուղները և հասցնել եռման միջին կրակի վրա:
- Անջատեք նորից և թող սառչի: Կրկին անել նույն գործողությունը, քամել օշարակը (բայց եփել ավելի երկար ժամանակ, որ թանձրանա մինչև մուրաբայի աստիճան):
- Կրկին լցնել հատապտուղներն օշարակի մեջ, եռացնել և թող կրկին սառչի:
- Հանել հատապտուղները և շարել սկուտեղի կամ ջեռոցի տապակի վրա: Զգուշորեն վերցրեք հատապտուղները գդալով, որ չճզմվեն:
- Այժմ ելակի ցուկատը պետք է չորանա: Դա կարելի է անել ջեռոցում. 35-40 ջերմաստիճանում: Ժամանակ առ ժամանակ հատապտուղներ շրջել, որ համաչափ չորանան:
- Կամ պարզապես կարող եք այն չորացնել պատուհանի գոգին `ժամանակ առ ժամանակ շրջելով պտուղները, որպեսզի ելակները հավասարաչափ չորանան:
- Պատուհանի վրա նրանք չորանում են 4 օրում: Մի ծուլացեք, պատրաստեք: Արժե դրա համար ջանքեր գործադրել: Համեղ չիր է ստացվում:
Ելակի ցուկատը պատրաստ է:
Բարի ախորժակ
Հնարավոր է նաև հետաքրքիր ելակի մուրաբայի պատրաստման այս տարերակը