Ելակով աղանդեր. Մեր առաջարկած աղանդերի պատրաստումը կտևի ոչ ավելի, քան կես ժամ: Հետո պարզապես պետք է սպասել, մինչև աղանդերը պնդանա։
Չենք թաքցնի, սա շատ բարդ փուլ է, քանի որ բավականին դժվար է դիմադրել ժամանակից շուտ ելակի աղանդերը փորձելուն:
Հրաշալի եղանակ է, երբ խոհանոցում կարող եք փորձարկել ինչ ցանկանում եք՝ պատրաստելով հետաքրքիր և թարմ ուտեստներ։
Այս ուտեստը պատրաստելու համար նույնիսկ կարիք չկա ժելատին օգտագործել։ Աղանդերը սառնարանում կպնդանա և այդպես հիանալի կերպով կպահի իր ձևը։ Կարևոր է միայն պահպանել համամասնությունները:
Ելակով աղանդեր առանց թխման. Բաղադրիչներ
_Ելակ 450 գ
_Շաքարավազ 140 գ
_Կաթ 600 գ
_Եգիպտացորենի օսլա 50 գ
_Կարագ 20 գ
Ելակով աղանդեր առանց թխման. Պատրաստման եղանակը
_250 գ ելակը խառնել 80 գ շաքարավազի հետ և բլենդերով հարել։
_Ավելացնել կաթը և կրկին հարել։
_Ստացված զանգվածը քամել մաղով։
_Ամեն ինչ լցնել կաթսայի մեջ և ավելացնել եգիպտացորենի օսլա։ Եփել մարմանդ կրակի վրա, մինչև թանձրանա, անընդհատ խառնելով։
_Պատրաստի զանգվածը լցնել կաղապարի մեջ, հարթեցնել գդալով։
_Կաղապարը 30 րոպեով դնել սառնարանում։
_Մանր կտրատել 200 գ ելակ։
_Տապակի մեջ հալեցնել կարագը և 60 գ շաքարավազը բահիկով խառնելով՝ կարամելացնել։
_Ավելացնել կտրատած ելակը։
_Եփել չափավոր կրակի վրա 3-4 րոպե՝ երբեմն խառնելով։
_Կաղապարը հանել սառնարանից և վրան շարում կարամելացված ելակները։
_Դնել սառնարանում ևս մեկ ժամով։
_Այնուհետև կարող եք հանել պատրաստի աղանդերը և մատուցել սեղանին:
Այն պետք չէ զարդարել, քանի որ կարամելացված ելակի վերին շերտը շքեղ տեսք ունի։ Իսկ կտրվածքի տեսքն ավելի ախորժելի է։
Բարի ախորժակ:
Տեսանյութ
Ելակի մուրաբա առանց եփելու
