Ելակով կարկանդակ. Բերանում հալվող անմահական նրբություն

Պատրաստենք Ելակով կարկանդակ:

Շատ փափուկ և փխրուն խմորով, ցանկացած թարմ կամ սառեցված հատապտուղներով կամ մրգերով բուրավետ և թարմ միջուկի հետ միասին՝ սա ուղղակի գերող նախաճաշի տարբերակ է:

Ելակով կարկանդակ. Անհրաժեշտ բաղադրիչները

_Ձու 4 հատ

_Շաքարավազ 350 գր

_Մի պտղունց աղ

_Վանիլին՝ ըստ ճաշակի

_Կարագ 200 գր

_Թթվասեր 400 գր

_Ալյուր 450 գր

_Փխրեցուցիչ 3 թեյի գդալ

Միջուկի համար

_Ցանկացած հատապտուղներ կամ մրգեր

Ելակով կարկանդակ. Պատրաստման եղանակը

_Ձվերը խառնել շաքարավազի, աղի և վանիլինի հետ, ապա զանգվածը հարել խառնիչով։

_Լցնել փափուկ կարագը, թթվասերը կամ մածունը և զանգվածը խառնել, մինչև հարթ լինի։

_Ալյուրը մաղել և խառնել փխրեցուցչի հետ, լցնել հեղուկ զանգվածի մեջ և ստանալ փափուկ և թանձր խմոր։

_Թխելու համար նախատեսված տապակը ծածկել յուղաթղթով։

_Խմորը լցնել և հավասարաչափ հարթեցնել:

_Վերցնել ցանկացած հատապտուղներ՝ ելակ, հապալաս կամ կտորներով կտրատած միրգ:

_Ավելի լավ է հատապտուղներն ու մրգերը նախօրոք պատրաստել, որպեսզի հյութը անջատվի, այն պետք է քամել։

_Խմորի վրան ցանել հատապտուղները:

_Թխել 180 աստիճանով մոտ 40 — 50 րոպե, ըստ ջեռոցի և փայտիկով ստուգել պատրաստ լինելը։

_Պատրաստի կարկանդակը թողնել սառչի և ցանել շաքարի փոշի։

Ստացվում է այսպիսի հոյակապ թխվածք՝ հատապտուղների միջուկով։ Շաքարի փոշիով հարած թթվասերով կստանաք կատարյալ կրեմ այս թխվածքի համար։

Բարի ախորժակ:

Տեսանյութ

Ամենահեշտ ռուլետ դասական տարբերակ