Զատկի կուլիչ. Փափուկ թեթև ծիսական թխվածք նոր բաղադրիչներ ավելացնելով կարող եք ստանալ հետաքրքիր համեր

Զատկի տոնին այսպես ասած պարտադիր թխվածք է կուլիչը: Դրա պատրաստման բաղադրատոմսերն իրար նման լինելով կարող են նաև տարբերվել:

Մեր առաջարկած տարբերակով կուլիչը ստացվում է շատ հարուստ և բազմազան համով, քանի որ ավելացնելու եք լոռամիրգ, նուշ, վանիլ։

Զատկի կուլիչ. Անհրաժեշտ բաղադրիչները

_Ալյուր 350 գր

_Թարմ խմորիչ 20 գր կամ չոր՝ 7 գր

_Կաթ 110 մլ

_Շաքարավազ 80 գր

_Աղ 0,5 թեյի գդալ

_Ձու 1 հատ

_Դեղնուց 1 հատ

_Հալված կարագ  40 գր

_Կարագ քսելու համար 120 գր

_Մշկընկույզ 1 թեյի գդալ

_Լոռամիրգ կամ չամիչ 200 գր

_Նուշ կամ այլ ընկույզ 100 գր

_Վանիլային շաքար 8 գր

Զատկի կուլիչ. Պատրաստման եղանակը

Բաղադրիչները պետք է լինեն սենյակային ջերմաստիճանում:

_Ալյուրը խառնել փխրեցուցիչի հետ, մաղել։

_Խմորիչը խառնել տաք կաթի և մի քիչ շաքարավազի հետ։

_Ձուն, շաքարավազը, վանիլային շաքարավազը և դեղնուցը խառնել, հարել զանգվածը։

_Ալյուրի մեջ փոսիկ անել և լցնել խմորիչով խառնուրդը, ձուն, աղը և շաղախել խմորը, լցնել հալած կարագը և հունցել այնքան, մինչև դադարի կպչել ձեռքերին։

_Խմորը ծածկել թաղանթով և թողնել 15 ժամ տաք տեղում։

_Լոռամիրգը թրջել եռման ջրի մեջ մի քանի րոպե, թող քամվի և չորանա թղթե սրբիչների վրա:

_Նուշը տապակել չոր տապակի մեջ։

_Խմորը բաժանել 3 մասի, ծածկել փայլաթիթեղով և թողնել 10 րոպե։

_Սեղանին ալյուր ցանել և խմորի մի մասը գրտնակել, շերտին քսել կարագ և ցանել ընկույզ ու լոռամիրգ, փաթաթել ռուլետաձև, ծածկել թաղանթով և թողնել 15 րոպե։

_Խմորի բոլոր մասերից նույն կերպ ռուլետներ պատրաստել։

_Թխելու ձևամանը ծածկել յուղաթղթով և ռուլետները խխունջի նման փաթաթելով դնել ձևամանի մեջ, ծածկել թաղանթով և թողնել 20 րոպե։

_Ջեռոցը տաքացնել 200 աստիճան և թխել 10 րոպե, ջերմաստիճանը իջեցնել մինչև 180 աստիճան և թխել 10 րոպե՝ կաղապարը փայլաթիթեղով ծածկած։

_Հեռացնել փայլաթիթեղը և թխել 15 րոպե։

_Վրան շաքարի փոշի ցանել։

Բարի ախորժակ:

Տեսանյութ

Զատկի կուլիչ Կրաֆին