Զատիկը նշելու համար դուք կարող եք պատրաստել ոչ միայն ավանդական ուտեստներ, այլև նման հրաշալի աղանդեր Զատկի հավ կաթնաշոռով: Այն դուր կգա թե՛ երեխաներին, թե՛ մեծահասակներին։
Զատկի հավ կաթնաշոռով. Անհրաժեշտ բաղադրիչները
_Կաթնաշոռ 1 կգ
_Թթվասեր 30% 250 գր
_Կարագ 200 գր
_Շաքարավազ 1 բաժակ
_Ժելատին 30 գր
_Կակաո 2 ճաշի գդալ
_Վանիլին 1 պտղունց
Հարդարման համար
_Եռաշերտ մարմելադ
_Մարմելադ կարմիր
_Մարմելադ նարնջագույն
_Դեղին կոկոսի փաթիլներ
_Կաթնային շոկոլադ
_Չամիչ
_Կիվի
Զատկի հավ կաթնաշոռով. Պատրաստման եղանակը
_Կաթնաշոռը խառնել շաքարավազի, թթվասերի, փափկած կարագի հետ, մինչև հարթ լինի։
_Ժելատինը լուծել 180 մլ սառը ջրի մեջ, թողնել ուռչի 30 րոպե, ավելացնել վանիլինը, տաքացնել մինչև լուծվի (չեռացնել), թողնել մի փոքր սառչի:
_Ժելատինը խառնել կաթնաշոռի զանգվածին, խառնուրդը կիսել 2 մասի։
_Կեսը դնել կլոր հատակով խորը ձևամանի մեջ (սա «հավի» մարմինն է):
_Կաթնաշոռային զանգվածի երկրորդ մասը կիսել 2 մասի։
_Առաջին մասին ավելացնել կակաոն, խառնել։
_Զանգվածը հավասարաչափ բաժանել կոնաձև հատակով կաղապարների մեջ (սրանք կլինեն շագանակագույն «ճուտիկներ»)։
_Մնացած զանգվածը բաժանել հավասար մասերի, 2-ը լցնել կլոր հատակով կաղապարների մեջ («հավի» գլուխն ու պոչը), մնացածը՝ կոնաձև կաղապարների (դեղին «ճուտիկների» համար նախատեսված)։
_Բոլոր կաղապարները 2 ժամով դնել սառնարանը, պնդանալուց հետո զանգվածները հանել կաղապարներից։
_Մեծ մասից և երկու կլոր մասերից ձևավորել «հավը»։
_Եռաշերտ մարմելադը շերտերով կտրատել և որպես «փետուրներ» շարել «հավի» մարմնին։
_Սպիտակ «ճուտիկները» թաթախել դեղին կոկոսի փաթիլների մեջ, մուգերը՝ քերած շոկոլադի մեջ։
_Կարմիր մարմելադից կտրել «հավի» և ճուտիկների «կատարները», նարնջագույնից՝ «կտուցները», չամիչից «աչքեր» պատրաստել:
_Դնել «հավը և ճուտիկները» մատուցման ափսեի վրա: Զարդարել աղանդերը կիվիի կտորներով։
Բարի ախորժակ:
