Նուրբ թթվասերային կրեմով և փոքրիկ էկլերներով տորթ Կանացի մատներ։
Դուք կարող եք էկլերները պատրաստել ինքնուրույն կամ գնել պատրաստիները խանութից՝ ժամանակ խնայելու համար։
էկլերներով տորթ Կանացի մատներ. Անհրաժեշտ բաղադրիչները
_Ջուր 350 մլ
_Կարագ 150 գր
_Ալյուր 250 գր
_Մի պտղունց աղ
_Ձու 7 հատ
_Թթվասեր 500 գր
_Շաքարի փոշի 250 գր
_Շոկոլադ
էկլերներով տորթ Կանացի մատներ. Պատրաստման եղանակը
_Կաթսայի մեջ խառնել ջուրն ու կարագը, տաքացնել, մինչև կարագն ամբողջությամբ հալվի։
_Երբ զանգվածը սկսի եռալ, ավելացնել մաղած ալյուրն ու աղը։
_Բահիկով արագ խառնել զանգվածը, որպեսզի այն ամբողջովին համասեռ ու հարթ դառնա։
_Վերցնել կրակից և թողնել սառչի, մինչև գոլ վիճակը:
_Հերթով մեկական ավելացնել ձվերը և ամեն անգամ լավ խառնել, որպեսզի դրանք ամբողջությամբ խառնվեն զանգվածի մեջ։
Խորհուրդ՝ նայեք խմորի թանձրությանը, եթե 6 ձվից հետո տեսնեք, որ զանգվածը առաձգական է և փափուկ, ոչ ամուր, ապա պետք չէ ավելացնել յոթերորդը։
_Խմորը լցնել հրուշակեղենի տոպրակի կամ կտրված անկյունով տոպրակի մեջ։
_Ջեռոցի տապակը ծածկել յուղաթղթով և սեղմել խմորը՝ փոքր մատների նման:
_Թխել 200 աստիճանով մոտ 10 — 15 րոպե: Նայեք ձեր ջեռոցին, էկլերները պետք է ստացվեն դասական ոսկեգույն երանգի։
_Թողնել սառչեն:
_Կրեմի համար թթվասերը շաքարի փոշով հարել այնքան, որ փարթամանա։
_Տորթի բացվող օղակը դնել ամանի վրա, էկլերները շերտերով շարել և կրեմ քսել։
_Օղակը ծածկել սննդային թաղանթով և տորթը դնել սառնարանը 3-6 ժամով։
_Դրանից հետո տորթը հանել, հեռացնել թաղանթը և վրան հալած շոկոլադ լցնել, այնպես, որ տորթի կողքերով կաթիլները հոսեն։
_Տորթը կրկին 30 րոպեով դնել սառնարանը ու սեղանին մատուցել այսպիսի քնքուշ հրաշք։
Բարի ախորժակ:
Տեսանյութ
Տորթ Էկլեր Կարպատկա
