Էսթերխազի տորթ անունը կապված է հին հունգարական իշխանական ընտանիքի հետ։ Ոմանք կարծում են, որ աղանդերը հորինել է այս ընտանիքի ներկայացուցիչներից մեկը, ով, իբր, խոհարարության սիրահար էր։ Ուստի մենք նախընտրում ենք այն տարբերակը, որ տորթը ժամանակին պատրաստել է հրուշակագործը, ով աշխատել է արքայազնի խոհանոցում՝ երիտասարդ Էսթերխազիներից մեկի անվանակոչման տոնակատարության համար։
Խոհարարի անունը, ցավոք, մոռացության է մատնվել, բայց Էսթերխազի տորթն ինքնին ապրում է մինչ օրս և աներևակայելի տարածված է ամբողջ աշխարհում:
Էսթերխազի տորթ. Անհրաժեշտ բաղադրիչները
_Ալյուր 3 ճաշի գդալ
_Շաքարավազ 1 ճաշի գդալ
_Ձվի սպիտակուցներ 8 հատ
_Ընկույզ 200 գր
_Դարչին մի պտղունց
_Աղ մի պտղունց
Ջնարակի համար
_Սպիտակ շոկոլադ 200 գր
_Մուգ շոկոլադ 50 գր
_Սերուցք 33-35% 2 ճաշի գդալ
_Նուշի կտորներ՝ զարդարման համար
Կրեմի համար
_Ձու (դեղնուց) 4 հատ
_Եփած խտացրած կաթ 1/4 ճաշի գդալ
_Բալի օղի 2 ճաշի գդալ
_Կաթ 0,5 ճաշի գդալ
_Շաքարավազ 3/4 ճաշի գդալ
_Կոկոսի կաթ 0,5 ճաշի գդալ
_Կարագ 300 գր
_Վանիլային շաքարավազ 3 թեյի գդալ
_Ծիրանի ջեմ 2 ճաշի գդալ
Էսթերխազի տորթ. Պատրաստման եղանակը
_Խմորը պատրաստել տորթի շերտերի համար։ Ձվի սպիտակուցները մի պտղունց աղով հարել հարիչով մինչև պնդանա։
_Շարունակելով հարել՝ աստիճանաբար ավելացնել շաքարավազը, մեկ ճաշի գդալ։
_Հարել մինչև կայուն, փայլուն փրփուր ձևավորվի, որը չի թափվի գլխիվայր շրջված ամանից։
_Ընկույզները բլենդերով մանրացնել ալյուրի նման։ Եթե փշուրները շատ խոշոր են, լցնել յուղաթղթով ծածկված ջեռոցի տապակի վրա և չորացնել 150°C ջերմաստիճանում, 10 րոպե, ապա նորից մանրացնել։
_Դարչինի և ալյուրի հետ միասին սպիտակուցներին աստիճանաբար ավելացնել ընկույզի ալյուրը՝ սիլիկոնե բահիկի միջոցով, ներքևից՝ վերև, զգուշորեն հարելով:
_ 24 սմ տրամագծով ձևամանի օղակի օգնությամբ յուղաթղթի վրա փափուկ մատիտով գծել 6 շրջան՝ դրանք դնելով միմյանցից 3-4 սմ հեռավորության վրա, որպեսզի ապագա շերտերը չխանգարեն միմյանց, խմորի տարածել դրանց վրա և թխել։
_Սպիտակուցի զանգվածը հավասարաչափ բարակ շերտով քսել շրջանաձև՝ օգտագործելով երկար շեղբով դանակ կամ հրուշակեղենի մետաղյա բահիկ։
_Թխել շերտերը 140–150 ° C տաքացրած ջեռոցում՝ մինչև բաց շագանակագույնը, 18–20 րոպե։
_Հանել ջեռոցից, անհրաժեշտության դեպքում եզրերը դանակով կտրել ու սառեցնել։
_Կրեմի համար կոկոսի և կովի կաթը հարիչով շատ լավ խառնել, որպեսզի կոկոսի կաթի գնդիկներ չմնան։ Կաթի 1/3-ն ավելացնել և հարել շաքարավազի, դեղնուցների և վանիլային շաքարի հետ, մինչև հարթվի։
_Հաստ հատակով կաթսայի մեջ մարմանդ կրակի վրա եռացնել մնացած կաթը։
_Դեղնուցային խառնուրդը զգուշորեն լցնել եռացող կաթի մեջ՝ անընդհատ հարելով։
_Կրկին հասցնել եռման աստիճանի, վերցնել կրակից, սառեցնել և 1 ժամով դնել սառնարանը։
_Փափուկ կարագը հարել եփած խտացրած կաթի հետ, աստիճանաբար, մեկական ճաշի գդալով ավելացնել կրեմին, ավելացնել բալի օղին կամ լիկյորը և հարել մինչև հարթվի, թողնել սառչի:
_Խմորի 5 շերտին քսել սառեցված կրեմը և շարել իրար վրա, իսկ վեցերորդին քսել ջրային բաղնիքի վրա տաքացրած ջեմի բարակ շերտ:
_Սպիտակ շոկոլադը հալեցնել գոլորշու վրա, հարել սերուցքի հետ, մինչև հարթվի, հաասարաչափ լցնել տորթի վրա քսած ջեմի շերտին, քանի դեռ շոկոլադը տաք է, թողնել մի փոքր սառչի:
_Երբ տորթի մակերեսը մի փոքր կպչի, մուգ շոկոլադը հալեցնել գոլորշու վրա կամ միկրոալիքային վառարանում, լցնել սննդային տոպրակի մեջ և տորթի սպիտակ շերտի վրա, երկայնքով շոկոլադե պարուրաձև գծեր անել, կենտրոնից՝ եզր:
_Անմիջապես դանակի ծայրով թեթևակի գծել, կենտրոնից դեպի տորթի եզրերը:
_Այսպիսով տորթը պետք է «բաժանել» 8 հատվածի։ Կրկին գծեր տանել տորթի հատվածների մեջտեղով, բայց այժմ եզրից՝ կենտրոն:
_Արդյունքում տորթի վրա փետուրների նման նախշեր կհայտնվեն։
_Տորթի կողքերին ցանել նուշի կտորներ, մի փոքր բարձրացնելով և թեքելով այն:
_Էսթերխազի տորթը 12 ժամով դնել սառնարանում։ Մատուցելուց 10-15 րոպե առաջ հանել սառնարանից:
Էսթերխազի տորթը պատրաստ է:
Բարի ախորժակ:
Տեսանյութ
Շքեղ տորթ Էսթերխազի