Փափուկ և նուրբ ընկույզով կարկանդակ ծիրանի չրի և ընկույզի համեղ ու առողջ միջուկով: Կարկանդակն ավանդաբար պատրաստվում է ընտանեկան տոների համար, կամ թեյի հետ մատուցելու համար, եթե հյուրեր են գալիս:
Ընկույզով կարկանդակ. Անհրաժեշտ բաղադրիչները
_Մածուն 150 մլ
_Ձու 1 հատ
_Սոդա 1 թեյի գդալ
_Թթվասեր 100 գր
_Մի պտղունց աղ
_Շաքարավազ 100 գր
_Բուսական յուղ 2 ճաշի գդալ
_Կարագ 110 գր
_Ալյուր 500 գր
Միջուկի համար
_Ծիրանի չիր 200 գր
_Ընկույզ 200 գր
_Շաքարավազ 100 գր + 100 գր
Ընկույզով կարկանդակ. Պատրաստման եղանակը
_Մածունը սոդայի հետ լավ խառնել ու թողնել։
_Ձուն հարել աղի և շաքարավազի հետ, մինչև հարթ լինի։
_Ավելացնել թանձր թթվասերը և խառնել զանգվածը։
_Ավելացնել մածունը և խառնել։
_Ավելացնել կարագն ու բուսայուղը, շարունակել խառնել։
_Մաղած ալյուրը լցնելով՝ հունցել խմոր։
Հուշում. Խմորն ավելի թանձրացնելու համար կարող եք ավելի շատ ալյուր ավելացնել: Բայց զանգվածը ալյուրով մի հագեցրեք, որպեսզի խմորը նուրբ և փափուկ դառնա։
_Խմորը ծածկված թողնել սառնարանում 1 ժամ, բայց ավելի լավ է այն թողնել ողջ գիշեր:
_Ծիրանաչիրը եթե շատ չոր է, թրջել տաք ջրի մեջ, քամել ջուրը։
_Ծիրանը խառնել շաքարավազի հետ և մանրացնել բլենդերով։
_Ընկույզը նույնպես խառնել 100 գր շաքարավազի հետ և մանրացնել բլենդերով։
_Խմորը բաժանել 3 մասի և յուրաքանչյուրը գրտնակել՝ ըստ ձևամանի:
_Տապակը յուղել և դնել խմորի առաջին մասը, լցնել ծիրանի միջուկը։
_Ծածկել խմորի երկրորդ շերտով, եզրերը սեղմել և վրան լցնել ընկույզի միջուկը։
_Ծածկել խմորի երրորդ շերտով, վրան քսել հարած ձու և շաղ տալ մանր կտրատած ընկույզով։
_Թխել 180 աստիճանում մոտ 30 — 40 րոպե, պատրաստ լինելը ստուգել փայտիկով։
Պիրոգը ստացվում է բարձր, հյութալի և քնքուշ, շատ բուրավետ, իդեալական հավելում համեղ թեյի կամ կակաոյի համար:
Բարի ախորժակ:
Տեսանյութ
Գավառի գաթա